ആഷിക് ഉസ്മാന് നിര്മ്മിക്കുന്ന ‘ലവ്‘ സിനിമയുടെ ട്രെയ്ലര് റിലീസ് ചെയ്തു. പൂര്ണമായും ലോക്ക്ഡൗണ് കാലത്ത് ചിത്രീകരിച്ച സിനിമയില് ഷൈന് ടോം ചാക്കോയും രജിഷ വിജയനും മുഖ്യ കഥാപാത്രങ്ങളായെത്തുന്നു. ചിത്രത്തിന്റെ സംവിധാനം നിര്വഹിക്കുന്നത് ഖാലിദ് റഹ്മാനാണ്. മമ്മൂട്ടി നായകനായ ‘ഉണ്ട ‘എന്ന ചിത്രത്തിന് ശേഷം ഖാലിദ് റഹ്മാന് സംവിധാനം ചെയ്യുന്ന സിനിമയാണ് ‘ലവ്’. ജിംഷി ഖാലിദാണ് ചിത്രത്തിന്റെ ഛായാഗ്രഹണം.
ആകാംക്ഷാഭരിതമായ ദൃശ്യങ്ങള് കോര്ത്തിണക്കിയാണ് സിനിമയുടെ ട്രെയ്ലര് പുറത്തിറക്കിയിരിക്കുന്നത്. ഭാര്യാഭര്ത്താക്കന്മാര്ക്കിടയിലെ സ്നേഹവും കലഹവുമൊക്കെയാണ് സിനിമയുടെ പ്രമേയം. സുധി കോപ്പ, വീണ നന്ദകുമാര് തുടങ്ങിയവരും ചിത്രത്തില് പ്രധാനവേഷങ്ങളിലെത്തുന്നു.