തമിഴ് താരം ചിമ്പു നായകനായി എത്തുന്ന പുതിയ ചിത്രമാണ് ‘മാനാട്’. കല്യാണി പ്രിയദർശൻ ചിമ്പുവിന്റെ നായികയായി എത്തുന്ന ചിത്രത്തിന്റെ ടീസർ അണിയറ പ്രവർത്തകർ പുറത്തുവിട്ടു. പൊളിറ്റിക്കൽ ത്രില്ലർ വിഭാഗത്തിൽ ഉൾപ്പെടുന്ന ചിത്രത്തിൽ ചിമ്പു വ്യത്യസ്‌തമായ കഥാപാത്രമായാണ് എത്തുന്നതെന്ന് സിനിമയുടെ അണിയറ പ്രവർത്തകർ വ്യക്‌തമാക്കി.
വെങ്കട് പ്രഭുവാണ് ചിത്രത്തിന്റെ തിരക്കഥയും, സംവിധാനവും നിർവഹിക്കുന്നത്. ചിമ്പുവും, വെങ്കട് പ്രഭുവും ഒന്നിച്ചെത്തുന്ന ചിത്രമെന്ന പ്രത്യേകതയും മാനാടിനുണ്ട്. ചിമ്പുവിനും, കല്യാണി പ്രിയദർശനും ഒപ്പം എസ്‌ജെ സൂര്യയും ചിത്രത്തിൽ പ്രധാന കഥാപാത്രമായി എത്തുന്നുണ്ട്.
സുരേഷ് കാമാച്ചി നിർമ്മാണം നിർവഹിക്കുന്ന ചിത്രത്തിൽ യുവാൻ ശങ്കർ രാജയാണ് സംഗീതസംവിധാനം നിർവഹിക്കുന്നത്. പ്രവീൺ എൽകെ ആണ് ചിത്രത്തിന്റെ എഡിറ്റർ. എസ് എ ചന്ദ്രശേഖര്‍, പ്രേംജി അമരൻ, രവികാന്ത് തുടങ്ങി ഒട്ടേറെ താരങ്ങളും ചിത്രത്തിൽ അണിനിരക്കുന്നുണ്ട്. തമിഴിനൊപ്പം ചിത്രം മലയാളത്തിലും റിലീസ് ചെയ്യുമെന്ന് അണിയറ പ്രവർത്തകർ വ്യക്‌തമാക്കി.
Read also : അൽഷിമേഴ്‌സ് ബാധിച്ച 75കാരനായി ജോജു; ‘ജില്ലം പെപ്പരെ’ ഒരുങ്ങുന്നു
