മലപ്പുറം: ജില്ലാ കലക്ടർ കെ. ഗോപാലകൃഷ്ണന് കോവിഡ് സ്ഥിരീകരിച്ചു. സബ് കലക്ടർ, എഎസ്പി എന്നിവരുൾപ്പെടെ 21 പേരുടെ കോവിഡ് പരിശോധനാ ഫലവും പോസിറ്റീവ് ആണ്. ജില്ലാ പോലീസ് മേധാവിക്ക് കോവിഡ് സ്ഥിരീകരിച്ചതിന് പിന്നാലെയാണിത്. ഇതോടെ ജില്ല കടുത്ത ആശങ്കയിലായി. ഇവരെ ചികിത്സക്കായി പ്രത്യേക കേന്ദ്രത്തിലേക്ക് മാറ്റും.
കരിപ്പൂർ വിമാനത്താവള രക്ഷാപ്രവർത്തനവുമായി ബന്ധപ്പെട്ട് കലക്ടർ ഉൾപ്പെടെ ക്വാറന്റീനിലായിരുന്നു. ജില്ലാ പോലീസ് മേധാവി യു. അബ്ദുൽ കരീമിന്റെ ഫലം ഇന്നലെ പോസിറ്റീവ് ആയതോടെ അദ്ദേഹത്തെ മഞ്ചേരി മെഡിക്കൽ കോളേജ് ആശുപത്രിയിലേക്ക് മാറ്റിയിരുന്നു.