മലയാളത്തിന്റെ പ്രിയനടന് മമ്മൂട്ടിക്ക് ഇന്ന് 69-മത് പിറന്നാള്. സമൂഹമാദ്ധ്യമങ്ങള് വഴി നിരവധി പേരാണ് ഇതിനോടകം താരത്തിന് ആശംസകള് നേര്ന്നിരിക്കുന്നത്. കുടുംബത്തോടൊപ്പമാകും മമ്മൂട്ടിയുടെ ഈ വര്ഷത്തെ ജന്മദിനാഘോഷം. കോവിഡ് 19 സാഹചര്യങ്ങള് കണക്കിലെടുത്ത് ആഘോഷങ്ങള്ക്ക് ഒഴിവ് നല്കാന് മമ്മൂക്ക ആരാധകരോട് ആവശ്യപ്പെട്ടിട്ടുണ്ട്. അതുകൊണ്ട് തന്നെ ജീവകാരുണ്യപ്രവര്ത്തനങ്ങള്ക്ക് വേണ്ടി ഈ ദിവസം ചിലവഴിക്കാനാണ് മമ്മൂട്ടി ഫാന്സ് അസോസിയേഷന് തീരുമാനിച്ചിരിക്കുന്നത്.
‘അനുഭവങ്ങള് പാളിച്ചകള്‘ എന്ന മലയാളസിനിമയിലൂടെയാണ് മമ്മൂട്ടി സിനിമാലോകത്തേക്ക് എത്തുന്നത്. മലയാളസിനിമക്ക് പുറമെ മറ്റു ഭാഷാചിത്രങ്ങളിലും തന്റേതായ മുദ്ര പതിപ്പിച്ച താരമാണ് മമ്മൂക്ക. കേന്ദ്ര, സംസ്ഥാന ചലച്ചിത്ര അവാര്ഡുകളടക്കം നിരവധി പുരസ്കാരങ്ങളും ഇദ്ദേഹം സ്വന്തമാക്കി. മതിലുകള്, ഒരു വടക്കന് വീരഗാഥ (1989), പൊന്തന്മാട,വിധേയന് (1993), ഡോ. ദാദ സാഹിബ് അംബേദ്കര് (1998) എന്നീ സിനിമകളിലെ വിസ്മയ അഭിനയത്തിന് ഇദ്ദേഹത്തിനെ ദേശീയ പുരസ്കാരം നല്കി ആദരിച്ചു. ഇന്നും മലയാളികള് ഓര്ക്കുന്ന ഒരുപാട് നല്ല കഥാപാത്രങ്ങളും സിനിമകളും മമ്മൂട്ടി എന്ന നടന്റെ പേരിലാണ്.