അര്‍ജുന്‍ അശോകനെ നായകനാക്കി ആന്റോ ജോസ് പെരേര, എബി ട്രീസ പോള്‍ എന്നിവർ ചേർന്ന് സംവിധാനം ചെയ്യുന്ന ചിത്രം ‘മെമ്പര്‍ രമേശന്‍ 9ആം വാര്‍ഡി’ന്റെ റിലീസ് തീയതി പ്രഖ്യാപിച്ചു. ഫെബ്രുവരി 18ന് ചിത്രം തിയേറ്ററുകളിൽ എത്തുക.
അർജുൻ അശോകൻ ഉൾപ്പടെയുള്ളവർ സിനിമയുടെ റിലീസ് വിശേഷം സമൂഹ മാദ്ധ്യമങ്ങളിലൂടെ പങ്കുവെച്ചിട്ടുണ്ട്.
View this post on Instagram
ബോബന്‍ ആന്റ് മോളി എന്റര്‍ടെയ്ന്‍മെൻസ് നിർമിക്കുന്ന ചിത്രത്തിൽ അര്‍ജുന്‍ അശോകന് പുറമെ മാമുക്കോയ, സാബു മോന്‍, ചെമ്പന്‍ വിനോദ്, ഗായത്രി അശോക്, ഇന്ദ്രന്‍സ് തുടങ്ങിയവരും പ്രധാന കഥാപാത്രങ്ങളാണ്.
എല്‍ദോ ഐസക് ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റർ ദീപു ജോസഫാണ്.
സിനിമയിലെ ഗാനങ്ങൾ ഇതിനോടകം പ്രേക്ഷക പ്രീതി നേടിക്കഴിഞ്ഞു. ആര്യന്‍, നിത്യ മാമെന്‍ എന്നിവർ ചേർന്ന് ആലപിച്ച ‘അലരെ’ എന്ന് തുടങ്ങുന്ന ഗാനം ഏറെ ചർച്ച ചെയ്യപ്പെട്ടിരുന്നു. കൈലാസ് മേനോനാണ് സംഗീത സംവിധാനം.
Most Read: ഇന്ത്യ-ദക്ഷിണാഫ്രിക്ക ഏകദിന പരമ്പര; ആദ്യ മൽസരം ഇന്ന്
