എരമംഗലം: കായിക പ്രേമികൾക്ക് ആശ്വാസമായി പുതു പ്രതിഭകളെ വാർത്തെടുക്കാൻ വെളിയങ്കോട് ഗവ. ഹയർസെക്കൻഡറി സ്‌കൂൾ മൈതാനത്ത് അന്താരാഷ്‌ട്ര നിലവാരത്തിൽ പുതിയ സ്‌റ്റേഡിയം ഉയരുന്നു. സംസ്‌ഥാന ബജറ്റിൽ ധനമന്ത്രി ഇതിനായി 3 കോടി രൂപയും നിലവിൽ മാറഞ്ചേരി ഗ്രാമപ്പഞ്ചായത്തിനു കീഴിലെ മിനി സ്‌റ്റേഡിയം ആധുനിക സൗകര്യങ്ങൾ ഉപയോഗപ്പെടുത്തി നവീകരിക്കുന്നതിനായി 2.5 കോടി രൂപയും പ്രഖ്യാപിച്ചു.
സ്‌പീക്കർ പി ശ്രീരാമകൃഷ്‌ണന്റെ പ്രത്യേക താൽപര്യ പ്രകാരണമാണ് കായികപ്രേമികൾക്ക് ഏറെ സന്തോഷം പകരുന്ന പ്രഖ്യാപനങ്ങൾ ബജറ്റിൽ ഇടംപിടിച്ചത്. എത്രയും വേഗത്തിൽ പദ്ധതികളുടെ നിർമാണാനുമതിക്കായുള്ള നടപടികൾ സ്വീകരിക്കുമെന്ന് സ്‌പീക്കറുടെ ഓഫീസ് അറിയിച്ചു. അന്താരാഷ്‌ട്ര നിലവാരത്തിലുളള രണ്ട് സ്‌റ്റേഡിയങ്ങൾക്കായി വകയിരുത്തിയത് 5.5 കോടി രൂപയോളമാണ്. ഇതോടെ നാട്ടുകാരും ആവേശത്തിലാണ്.
Read Also: പട്ടിക വിഭാഗക്കാർക്ക് പോലീസ് നിയമനം; ഉത്തരവ് കൈമാറി
