വീട്ടിലെ ജൈവപച്ചക്കറി കൃഷി ആരാധകരുമായി പങ്കുവെച്ച് പ്രിയ താരം മോഹന്‍ലാല്‍. കലൂര്‍ എളമക്കരയിലെ തന്റെ വീടിനോട് ചേര്‍ന്നുളള സ്ഥലത്താണ് മോഹന്‍ലാല്‍ ജൈവകൃഷി ചെയ്തിരിക്കുന്നത്. കേരള സര്‍ക്കാരിന്റെ വിഷരഹിത പച്ചക്കറിയുടെ ബ്രാന്‍ഡ് അംബാസഡര്‍ കൂടിയായ മോഹന്‍ലാല്‍ സമൂഹ മാദ്ധ്യമങ്ങളിലൂടെ ലോക്ക്ഡൗണ്‍ കാലത്തെ തന്റെ കൃഷി വിശേഷം പങ്കുവെച്ചു.
View this post on Instagram
ജൈവവളം ഉപയോഗിച്ചാണ് താരം കൃഷി ചെയ്തിരിക്കുന്നത്. കൃഷിയിടത്തില്‍ നിന്ന് പകര്‍ത്തിയ ചിത്രങ്ങള്‍ ഇതിനോടകം വൈറലായി. വെണ്ട, വഴുതന,തക്കാളി, പയര്‍, വാഴ എന്നിവയാണ് മോഹന്‍ലാല്‍ പങ്കുവെച്ച ചിത്രത്തില്‍ കാണാന്‍ സാധിക്കുന്നത്.
കൃഷി ചെയ്യാന്‍ ഏറെ ഇഷ്ടപ്പെടുന്ന മോഹന്‍ലാല്‍ മുന്‍പും കൃഷി ചെയ്യാറുണ്ടെങ്കിലും ലോക്ക്ഡൗണ്‍ കാലത്താണ് ഇതില്‍ കൂടുതല്‍ സജീവമായത് . ലോക്ക്ഡൗണിന്റെ സമയത്ത് ചെന്നൈയിലായിരുന്ന താരം നാട്ടിലെത്തിയ ശേഷമാണ് കൃഷിയില്‍ സജീവമായത്.
കഴിഞ്ഞ ദിവസം തന്റെ തോട്ടത്തില്‍ വിളഞ്ഞ സണ്‍ഡ്രോപ് പഴങ്ങളുടെ ചിത്രവുമായി മെഗാസ്റ്റാര്‍ മമ്മൂട്ടിയും ആരാധകരുടെ മനം കവര്‍ന്നിരുന്നു.
Read Also: ഒഡിഷയില്‍ കര്‍ഷക പ്രതിഷേധം; സര്‍ക്കാരിന് ഇരട്ടത്താപ്പെന്ന് ആരോപണം
