തിരുവനന്തപുരം: റിസർവേഷൻ ഇല്ലാത്ത ട്രെയിനുകൾ തിരുവനന്തപുരം റെയിൽവേ ഡിവിഷനിൽ ബുധനാഴ്‌ച മുതൽ ഓടി തുടങ്ങും. ഒൻപത് ട്രെയിനുകളാണ് നിലവിൽ സർവീസ് പുനഃരാരംഭിക്കുന്നത്. ഇവയിൽ മെമുവിലെ പോലെ സീസൺ ടിക്കറ്റുകൾ അനുവദിക്കുകയും ചെയ്യും.
കോവിഡ് വ്യാപനം രൂക്ഷമായതിന് പിന്നാലെയാണ് ട്രെയിൻ ഗതാഗതം നിർത്തിവച്ചത്. നിലവിൽ ഇളവുകൾ പ്രാബല്യത്തിൽ വന്നതോടെയാണ് ഇപ്പോൾ കൂടുതൽ സർവീസുകൾ പുനഃരാരംഭിക്കുന്നത്. ബുധനാഴ്‌ച മുതൽ സർവീസ് ആരംഭിക്കുന്നവ എക്‌സ്‍പ്രസ് സ്‌പെഷ്യൽ ട്രെയിനുകളായിട്ടാണ് സർവീസ് നടത്തുന്നതെങ്കിലും പാസഞ്ചർ ട്രെയിനുകളെ പോലെ സ്‌റ്റോപ്പുകൾ ഉണ്ടായിരിക്കും.
ദീർഘദൂര എക്‌സ്‍പ്രസുകളിൽ ജനറൽ കമ്പാർട്ടുമെന്റുകളിലെ റിസർവേഷൻ തുടരും. കൂടാതെ സ്‌റ്റേഷനുകളിൽ യാത്രക്കാർക്ക് വിശ്രമ മുറികൾ ഉപയോഗിക്കാമെന്നും, കർശനമായും കോവിഡ് മാനദണ്ഡങ്ങൾ പാലിക്കണമെന്നും അധികൃതർ വ്യക്‌തമാക്കി.
Read also: ആശുപത്രിയിൽ അതിക്രമം; ജില്ലയിൽ 3 പേർ അറസ്‌റ്റിൽ
