തിരുവനന്തപുരം: 13 വയസുകാരനായ മകനെ ലൈംഗികമായി പീഡിപ്പിച്ച കേസിൽ മാതാവ് അറസ്‌റ്റിൽ. തിരുവനന്തപുരം കടക്കാവൂർ പോലീസ് സ്‌റ്റേഷൻ പരിധിയിലാണ് സംഭവം. കുട്ടിയുടെ പിതാവിന്റെ പരാതിയിലാണ് മാതാവിന് എതിരെ പോലീസ് കേസെടുത്തത്. കുട്ടിയെ ചൈൽഡ് ലൈൻ ഉദ്യോഗസ്‌ഥരെത്തി കൗൺസിലിങ് നടത്തുകയും ചെയ്‌തു. വക്കം സ്വദേശിനിയായ പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്‌തു.
കുട്ടിയുടെ മാതാപിതാക്കൾ നേരത്തെ വിവാഹബന്ധം വേർപ്പെടുത്തി കഴിയുകയാണ്. ഇവർക്ക് 4 മക്കളുണ്ട്. വിവാഹ മോചനശേഷം ഇയാൾ മറ്റൊരു കല്യാണം കഴിച്ച് മക്കളെയും കൂട്ടി ഗൾഫിലേക്ക് പോയിരുന്നു. ഇവിടെ നിന്നാണ് മാതാവ് പീഡിപ്പിച്ച വിവരം കുട്ടി വെളിപ്പെടുത്തിയത്. തുടർന്ന് മക്കളേയും കൂടി നാട്ടിലേക്ക് വന്ന് പോലീസിലും ചൈൽഡ് ലൈനിലും പരാതി നൽകുകയായിരുന്നു.
Read also: കോവിഡിന്റെ പുതിയ വകഭേദം കേരളത്തിലും; 6 പേർക്ക് സ്‌ഥിരീകരിച്ചു
