അവഞ്ചേഴ്സ് സംവിധായകരായ റൂസോ സഹോദരങ്ങളുടെ അടുത്ത ചിത്രത്തിൽ സൗത്ത് ഇന്ത്യൻ താരം ധനുഷും. നെറ്റ്ഫ്ളിക്‌സിന്റെ ട്വിറ്റർ അക്കൗണ്ടിലൂടെയാണ് ഇക്കാര്യം വെളിപ്പെടുത്തിയിരിക്കുന്നത്. ധനുഷ് അഭിനയിക്കുന്ന രണ്ടാമത്തെ ഹോളിവുഡ് ചിത്രമാണിത്. ‘ദ ഗ്രേ മാൻ’ എന്നാണ് പുതിയ ചിത്രത്തിന്റെ പേര്.
THE GRAY MAN cast just got even better.
Jessica Henwick, Wagner Moura, Dhanush, and Julia Butters will join Ryan Gosling, Chris Evans, and Ana de Armas in the upcoming action thriller from directors Anthony and Joe Russo. pic.twitter.com/SJcz8erjGm
— NetflixFilm (@NetflixFilm) December 17, 2020
നിരവധി പ്രമുഖ ഹോളിവുഡ് താരങ്ങൾ ദ ഗ്രേ മാനിൽ അണിനിരക്കുന്നുണ്ട്. ക്രിസ് ഇവാൻസ്, റയാൻ ഗോസ്ളിങ് എന്നിവർക്കൊപ്പമാണ് ധനുഷ് ചിത്രത്തിൽ അഭിനയിക്കുന്നത്. അനാ ഡെ അർമാസ് ആണ് ചിത്രത്തിൽ നായികയായി എത്തുന്നത്. പ്രശസ്‌ത എഴുത്തുകാരൻ മാർക്ക് ഗ്രീനി എഴുതി 2009 ൽ പുറത്തിറങ്ങിയ ദ ഗ്രേ മാൻ എന്ന നോവലിനെ അടിസ്‌ഥാനമാക്കിയാണ് ചിത്രം ഒരുക്കുന്നത്. വാഗ്‌നർ മൗറ, ജെസീക്ക ഹെൻ‌വിക്, ജൂലിയ ബട്ടർ‌സ് എന്നിവരും ചിത്രത്തിന്റെ ഭാഗമാണെന്ന് ഔദ്യോഗികമായി സ്‌ഥിരീകരിച്ചിട്ടുണ്ട്.
2018 ൽ പുറത്തിയ ‘എക്‌സ്ട്രാ ഓർഡിനറി ജേർണി ഓഫ് ഫക്കീർ’ എന്ന ചിത്രമാണ് ധനുഷ് അഭിനയിച്ച ആദ്യ ഹോളിവുഡ് ചിത്രം. കെൻ സ്‌കോട്ടാണ് ഈ ചിത്രം സംവിധാനം ചെയ്‌തത്. പുതിയ ചിത്രം ഔദ്യോഗികമായി പ്രഖ്യാപിച്ചതോടെ വലിയ ആകാംക്ഷയിലാണ് ആരാധകർ. ചിത്രത്തിൽ പങ്കാളിയാകാൻ സാധിച്ചതിലുള്ള സന്തോഷം പങ്ക് വച്ച് ധനുഷും സമൂഹമാദ്ധ്യമങ്ങളിലൂടെ രംഗത്ത് വന്നിരുന്നു.
Read also : മേജര്‍ സന്ദീപ് ഉണ്ണികൃഷ്‌ണന്റെ ജീവിതം വരച്ചുകാട്ടാന്‍ ‘മേജര്‍’; ഫസ്‌റ്റ് ലുക്ക് പോസ്‌റ്റര്‍ പുറത്ത്
