മലയാള ചലച്ചിത്ര ലോകത്തെ എക്കാലത്തെയും മികച്ച നടനായ ജയന് നായകനായി എത്തിയ ‘അങ്ങാടി’ ഇതാ വീണ്ടും പ്രേക്ഷകര്ക്ക് മുന്നിലെത്തുന്നു. എസ് ക്യൂബ് ഫിലിംസിന്റെ യൂട്യൂബ് ചാനലാണ് ചിത്രം വീണ്ടും മലയാളി പ്രേക്ഷകര്ക്ക് മുന്നിലെത്തിക്കുന്നത്. നവംബര് 16 ന് ചിത്രം വീണ്ടും ചാനലിലൂടെ റിലീസ് ചെയ്യും. ഇതിന് മുന്നോടിയായി ചിത്രത്തിന്റെ ട്രെയ്ലര് പുറത്തു വിട്ടിരിക്കുകയാണ് ഇപ്പോള് എസ് ക്യൂബ് ഫിലിംസ്.
ചിത്രം വീണ്ടും പ്രദര്ശനത്തിന് ഒരുക്കുന്നതിലൂടെ മലയാള സിനിമയിലെ അനശ്വര സൂപ്പര്സ്റ്റാറിനെ അനുസ്മരിക്കുകയാണ് എന്നും, നവംബര് 16 ന് ചിത്രം എസ് ക്യൂബ് ഫിലിംസിന്റെ യൂട്യൂബ് ചാനലിലൂടെ പ്രേക്ഷകര്ക്ക് മുന്നിലെത്തുമെന്നും എസ് ക്യൂബ് ഫിലിംസ് പുറത്തിറക്കിയ കുറിപ്പില് വ്യക്തമാക്കുന്നു. ഒപ്പം തന്നെ ചിത്രത്തിന്റെ ട്രെയ്ലര് പുറത്തിറക്കാന് കഴിഞ്ഞത് തങ്ങൾക്ക് ഒരു ബഹുമതിയാണെന്നും കുറിപ്പില് കൂട്ടിച്ചേര്ത്തിട്ടുണ്ട്.
1980 ലാണ് ജയനെ നായകനാക്കി കൊണ്ട് ഐവി ശശി അങ്ങാടി സംവിധാനം ചെയ്തത്. ഒപ്പം തന്നെ ചിത്രത്തില് സീമയും, സുകുമാരനും പ്രധാന വേഷങ്ങള് അവതരിപ്പിച്ചിട്ടുണ്ട്. ഗൃഹലക്ഷ്മി പ്രൊഡക്ഷന്സിന്റെ ബാനറില് പിവി ഗംഗാധരന് നിര്മ്മിച്ച ചിത്രത്തിന്റെ രചന നിര്വഹിച്ചത് ടി ദാമോദരനാണ്.
Read also : ‘ജോജി മൂവി റോളിങ് സൂണ്’; ലൊക്കേഷന് ഹണ്ട് ചിത്രം പങ്കുവെച്ച് ദിലീഷ് പോത്തന്