ദോഹ : ഖത്തര് എയര്വേയ്സ് ഇന്ത്യയിലെ പതിനൊന്ന് വിമാനത്താവളങ്ങളിലേക്ക് പ്രത്യേക സര്വീസുകള് നടത്താന് തീരുമാനിച്ചു. സെപ്റ്റംബര് 6 മുതല് ഒക്ടോബര് 24 വരെയാണ് പ്രത്യേക സര്വീസുകള് ഉണ്ടാകുക. ഖത്തറും ഇന്ത്യയും തമ്മിലുള്ള എയര്ബബിള് കരാറിന്റെ കാലാവധി ഒക്ടോബര് 31 വരെ നീട്ടിയത്തിന് പിന്നാലെയാണ് പ്രത്യേക സര്വീസുകള് നടത്താന് തീരുമാനിച്ചത്.
ഇന്ത്യയിലെ 11 പ്രമുഖ വിമാനത്താവളങ്ങളിലേക്കാണ് പ്രത്യേക സര്വീസ് ഷെഡ്യൂള് ചെയ്തിരിക്കുന്നത്. കൊച്ചി, കോഴിക്കോട്, തിരുവനന്തപുരം, ചെന്നൈ, അഹമ്മദാബാദ്, ബെംഗളൂരു, ഡെല്ഹി, ഹൈദരാബാദ്, അമൃത്സര്, കൊല്ക്കത്ത, മുംബൈ എന്നീ വിമനത്താവളങ്ങളിലേക്കാണ് ഖത്തര് എയര്വേയ്സ് പ്രത്യേക സര്വീസ് നടത്തുന്നത്. പൂര്ണ്ണമായും കോവിഡ് മാനദണ്ഡങ്ങള് പാലിച്ചായിരിക്കും സര്വീസ് നടത്തുക. രോഗലക്ഷണങ്ങള് ഉള്ളവര്ക്ക് യാത്രാനിയന്ത്രണം ഉണ്ടായിരിക്കും.