പുതിയ ചിത്രം പ്രഖ്യാപിച്ച് സത്യൻ അന്തിക്കാട്. ജയറാം നായകനാകുന്ന ചിത്രത്തിൽ മലയാളത്തിന്റെ പ്രിയനടി മീര ജാസ്മിൻ നായികയാകും. ഒരിടവേളക്ക് ശേഷം മീര ജാസ്മിൻ നായികയായി എത്തുന്ന ചിത്രമാണിത്. ‘ഞാൻ പ്രകാശൻ’ എന്ന ചിത്രത്തിലൂടെ പ്രേക്ഷകശ്രദ്ധ നേടിയ ദേവിക സഞ്ജയ്, ശ്രീനിവാസൻ, ഇന്നസെന്റ്, സിദ്ദീഖ് തുടങ്ങിയവരും ചിത്രത്തിൽ അണിനിരക്കും. ഫേസ്ബുക്ക് അക്കൗണ്ടിലൂടെ സത്യൻ അന്തിക്കാട് തന്നെയാണ് പുതിയ സിനിമാവിശേഷം പങ്കുവെച്ചിരിക്കുന്നത്.
‘ചിന്താവിഷ്ടയായ ശ്യാമള’ക്ക് ലഭിച്ച രാമു കാര്യാട്ട് പുരസ്കാരം സ്വീകരിക്കാൻ തൃശ്ശൂർ റീജ്യണൽ തീയേറ്ററിലെത്തിയപ്പോൾ നിറഞ്ഞ…
Posted by Sathyan Anthikad on Tuesday, April 13, 2021
സെൻട്രൽ പ്രൊഡക്ഷൻസാണ് ചിത്രത്തിന്റെ നിർമാണം. ഡോക്ടർ ഇക്ബാൽ കുറ്റിപ്പുറത്തിന്റെതാണ് രചന. ഹരിനാരായണന്റെ വരികൾക്ക് വിഷ്ണു വിജയ് സംഗീതം നിർവഹിക്കും. എസ് കുമാറാണ് ചിത്രത്തിന്റെ ഛായാഗ്രഹണം.
Read also: ഉഗഡി ആഘോഷവുമായി ‘ആർആർആർ’; പുതിയ പോസ്റ്റർ പങ്കുവച്ച് രാജമൗലി