കൊച്ചി: പഠിക്കുന്നില്ലെന്ന കാരണം പറഞ്ഞ് തോപ്പുംപടിയിൽ ആറു വയസുകാരിക്ക് നേരെ പിതാവിന്റെ ക്രൂരമർദ്ദനം. സംഭവത്തിൽ പിതാവിനെ തോപ്പുംപടി പോലീസ് അറസ്‌റ്റ് ചെയ്‌തു. തോപ്പുംപടി ബീച്ച് റോഡിനു സമീപത്തെ സേവ്യർ റോജൻ എന്നയാളെയാണ് പോലീസ് കസറ്റഡിയിലെടുത്തത്.
പഠിക്കുന്നില്ലെന്ന കാരണം പറഞ്ഞ് ഇയാൾ കുട്ടിയെ നിരന്തരം ഉപ്രദ്രവിക്കാറുണ്ടെന്ന് ചൂണ്ടിക്കാട്ടി നാട്ടുകാരാണ് പൊലീസിൽ പരാതി നൽകിയത്. ചൂരൽ വടി കൊണ്ടാണ് ഇയാൾ കുട്ടിയെ മർദ്ദിച്ചിരുന്നത്. കുട്ടിയുടെ ദേഹമാസകലം ചൂരൽ വടികൊണ്ട് തല്ലിയതിന്റെ പാടുകളുമുണ്ട്.
ഭാര്യയുമായി ഇയാൾ വേർപിരിഞ്ഞ് ജീവിക്കുകയാണ്. കുട്ടിയെ നിരന്തരം ഉപദ്രവിക്കാറുണ്ടെന്ന് പിതാവ് സമ്മതിച്ചതായി പോലീസ് പറഞ്ഞു. കുട്ടിയെ കെയർ ഹോമിലേക്ക് മാറ്റി.
Read Also: സ്‌ത്രീകൾക്കെതിരായ അതിക്രമം; കർശന നടപടിയെന്ന് മുഖ്യമന്ത്രി പിണറായി വിജയൻ
