ഷാന് തുളസീധരന് സംവിധാനം ചെയ്യുന്ന ‘അനുരാധ ക്രൈം നമ്പര് 59/2019‘ ചിത്രത്തിന്റെ ഷൂട്ടിംഗ് ആരംഭിച്ചു. ഇന്ദ്രജിത്ത് സുകുമാരന്, അനുസിത്താര എന്നിവര് കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തിന്റെ ഷൂട്ടിംഗ് കടുത്തുരുത്തിയിലാണ് പുരോഗമിക്കുന്നത്. വിഷ്ണു ഉണ്ണികൃഷ്ണനും ചിത്രത്തില് പ്രധാന കഥാപാത്രമായി എത്തുന്നു.
സംവിധായകന് ഷാന് തുളസീധരന്, ജോസ് തോമസ് പോളക്കല് എന്നിവര് ചേര്ന്നാണ് തിരക്കഥ ഒരുക്കിയിരിക്കുന്നത്. ഗാര്ഡിയന് ഏഞ്ചല്, ഗോള്ഡന് എസ് പിക്ച്ചേഴ്സ് എന്നിവയുടെ ബാനറില് എയ്ഞ്ചലീന ആന്റണി, ഷെരീഫ് എംപി, ശ്യം കുമാര് എസ്, സിനോ ജോണ് തോമസ് എന്നിവര് ചേര്ന്നാണ് ചിത്രത്തിന്റെ നിര്മാണം.
ഹരിശ്രീ അശോകന്, ഹരീഷ് കണാരന്,ജൂഡ് ആന്റണി, അനില് നെടുമങ്ങാട്, ശ്രീജിത്ത് രവി, സുനില് സുഗദ, അജയ് വാസുദേവ്, സുരഭിലക്ഷ്മി, സുരഭി സന്തോഷ്, ബേബി അനന്യ, മനോഹരി ജോയ് തുടങ്ങി ഒരുപിടി മികച്ച താരങ്ങളും ചിത്രത്തില് അണിനിരക്കുന്നു. എറണാകുളം, പിറവം, ഞീഴൂര് എന്നിവിടങ്ങളാണ് ചിത്രത്തിന്റെ പ്രധാന ലൊക്കേഷനുകള്.
അജയ് ഡേവിഡ് കാച്ചപ്പിള്ളിയാണ് ചിത്രത്തിന്റെ ക്യാമറ കൈകാര്യം ചെയ്യുന്നത്. ഹരി നാരായണന്, മനു മഞ്ജിത്ത്, ജ്യോതികുമാര് പുന്നപ്ര എന്നിവരുടെ വരികള്ക്ക് ടോണി ജോസഫ് സംഗീതം പകരുന്നു. എഡിറ്റിംഗ് ശ്യാം ശശിധരന്.
Read Also: ചാമ്പ്യൻസ് ലീഗ്; പ്രമുഖർ കളത്തിൽ, ബാഴ്സയും യുവന്റസും ഇന്നിറങ്ങും