ന്യൂഡെൽഹി: ഡീസൽ വിലയ്‌ക്ക് എതിരെയുള്ള കെഎസ്ആർടിസി ഹരജിയിൽ കേന്ദ്ര സർക്കാരിനും പൊതുമേഖല എണ്ണ കമ്പനികൾക്കും നോട്ടീസയച്ച് സുപ്രീം കോടതി.
എണ്ണ കമ്പനികൾക്കെതിരെ കോടതിയിൽ പോകാൻ കെഎസ്ആർടിസിക്ക് സാധിക്കില്ലെന്ന ഹൈക്കോടതി വിധിയിലെ ഭാഗം സുപ്രിം കോടതി സ്‌റ്റേ ചെയ്‌തു. ജസ്‌റ്റിസ് എസ് അബ്‌ദുൽ നസീർ അധ്യക്ഷനായ ബെഞ്ചിന്റേതാണ് നടപടി. കെഎസ്ആർടിസിയുടെ ഹരജി എട്ട് ആഴ്‌ചക്ക് ശേഷം വീണ്ടും പരിഗണിക്കും.
വിപണി വിലയേക്കാൾ ലിറ്ററിന് 21 രൂപയോളം അധികമാണ് എണ്ണ കമ്പനികൾ ഈടാക്കുന്നതെന്നും, ഈ സാഹചര്യം കോർപറേഷന് വൻ സാമ്പത്തിക നഷ്‌ടമുണ്ടാക്കുന്നുവെന്നും കെഎസ്ആർടിസി ഹരജിയിൽ വ്യക്‌തമാക്കിയിരുന്നു.
Read also: ഗ്യാൻവാപി മസ്ജിദ്; സിവിൽ കോടതിയുടെ നടപടികൾ തടഞ്ഞ് സുപ്രീം കോടതി
