ഡെൽഹി: ക്വാറികളുടെ ദൂരപരിധി 50 മീറ്ററില്‍ നിന്ന് 200 മീറ്ററാക്കിയ ഉത്തരവ് സ്‌റ്റേ ചെയ്‌ത്‌ സുപ്രീം കോടതി. ദൂരപരിധി സംബന്ധിച്ച ഹരിത ട്രൈബ്യൂണല്‍ ഉത്തരവും ഹൈക്കോടതി വിധിയും സുപ്രീം കോടതി സ്‌റ്റേ ചെയ്‌തു.
ബന്ധപ്പെട്ട കക്ഷികളുടെ ഭാഗം കേള്‍ക്കാതെയാണ് ക്വാറികളുടെ ദൂരപരിധി 200 മീറ്ററാക്കി ഉത്തരവിറക്കിയതെന്ന ഹരജിക്കാരുടെ വാദം കോടതി അംഗീകരിക്കുക ആയിരുന്നു. സുപ്രീം കോടതിയില്‍ അപ്പീല്‍ നല്‍കിയവര്‍ക്കും മറ്റ് ക്വാറി ഉടമകള്‍ക്കും തങ്ങളുടെ വാദം കേള്‍ക്കാന്‍ ഹരിത ട്രൈബ്യൂണലില്‍ അപേക്ഷ നല്‍കാം.
കേസില്‍ അപ്പീല്‍ നല്‍കിയവര്‍ ഉള്‍പ്പടെ മുഴുവന്‍ കക്ഷികളുടെ ഭാഗവും കേള്‍ക്കണമെന്ന് സുപ്രീം കോടതി ട്രൈബ്യൂണലിന് നിര്‍ദേശം നല്‍കി. പുതിയ ഉത്തരവുണ്ടാകുന്നതു വരെ ദൂരപരിധി 50 മീറ്ററായി തുടരും. ജികെ ഗ്രാനൈറ്റ്‌സ് ഉടമ ജോര്‍ജ് ആന്റണിയും പോബ്‌സ് ഗ്രാനൈറ്റ്‌സുമാണ് അപ്പീലുമായി സുപ്രീം കോടതിയെ സമീപിച്ചത്.
Kerala News: ഇടുക്കി ഡാം വീണ്ടും തുറന്നേക്കും; ഇന്ന് 6 ജില്ലകളിൽ ഓറഞ്ച് അലർട്
