തിരുവനന്തപുരം: കെഎസ്ആർടിസിയിൽ ഡ്യൂട്ടി സറണ്ടർ വീണ്ടും പുനഃസ്ഥാപിച്ചു. കോവിഡ് കാല യാത്രാ നിയന്ത്രണങ്ങളോട് അനുബന്ധിച്ച് സർവീസുകളുടെ എണ്ണത്തിൽ കുറവ് വന്നതിനെ തുടർന്നും ശബരിമല സ്പെഷ്യൽ സർവീസ് കുറ്റമറ്റതാക്കുന്നതിനുമാണ് ഓപ്പറേറ്റിംഗ് വിഭാഗം ജീവനക്കാർക്ക് നൽകിയിരുന്ന ഡ്യൂട്ടി സറണ്ടർ പുന:സ്ഥാപിച്ചത്.
ഡ്രൈവർ വിഭാഗം ജീവനക്കാർക്ക് 600 രൂപയും കണ്ടക്ടർ വിഭാഗം ജീവനക്കാർക്ക് 580 രൂപയുമാണ് ഓരോ ഡ്യൂട്ടിക്കും സറണ്ടർ തുക അനുവദിക്കാവുന്നതെന്ന് സിഎംഡി ഉത്തരവിട്ടു.
നിലവിൽ ചില ഡിപ്പോകളിൽ ഡ്രൈവർമാരുടെ കുറവ് ഉണ്ട്. അത് മറികടക്കുന്നതിനും കളക്ഷൻ വർധിച്ച സാഹചര്യത്തിൽ പൊതുജനങ്ങൾക്ക് കൂടുതൽ യാത്രാസൗകര്യം നൽകുന്നതിന് കൂടുതൽ ബസുകൾ ഇറക്കുന്നതിന്റേയും കൂടി ഭാഗമായിട്ടാണ് ഇത് അനുവദിച്ചിരിക്കുന്നത് എന്നും സിഎംഡി വ്യക്തമാക്കി.
Most Read: ജെസി ഡാനിയേല് പുരസ്കാരം ഗായകൻ പി ജയചന്ദ്രന്