ഹിന്ദി, തമിഴ്, തെലുങ്ക് എന്നീ സിനിമമേഖലയിലെ പ്രേക്ഷകരുടെ പ്രിയതാരമാണ് തപ്സി പന്നു. ഇന്ത്യയില് ഒട്ടാകെയുള്ള സിനിമാപ്രേമികള്ക്ക് തപ്സിയുടെ സിനിമകള് ഏറെ പ്രിയങ്കരവുമാണ്. ഓരോ കഥാപാത്രത്തോടും വളരെയധികം നീതി പുലര്ത്തിയാണ് തപ്സി പ്രേക്ഷകര്ക്ക് മുന്നിലെത്തുന്നത്. ഒപ്പം തന്നെ സിനിമ തിരഞ്ഞെടുപ്പുകളും താരത്തെ മറ്റുള്ളവരില് നിന്നും വ്യത്യസ്തയാക്കുന്നുണ്ട്. അത്തരത്തില് സിനിമാപ്രേക്ഷകര് ആകാംക്ഷയോടെ കാത്തിരിക്കുന്ന തപ്സിയുടെ അടുത്ത ചിത്രമാണ് രശ്മി റോക്കറ്റ്.
രശ്മി റോക്കറ്റില് തപ്സി കായികതാരമായാണ് എത്തുന്നത്. കഥാപാത്രമാകാനുള്ള തയ്യാറെടുപ്പിലാണ് ഇപ്പോള് തപ്സി. ചിത്രത്തില് അതിവേഗ ഓട്ടക്കാരിയായി എത്തുന്ന താരത്തിന്റെ പരിശീലനങ്ങള് ഇപ്പോള് സമൂഹമാദ്ധ്യമങ്ങളില് വൈറലാകുകയാണ്. ട്രാക്കിലും ജിമ്മിലും പരിശീലനം നടത്തുന്ന താരം ഇപ്പോള് യോഗയും പരിശീലിക്കുന്നുണ്ട്.
അടുത്ത വര്ഷത്തോടെ രശ്മി റോക്കറ്റ് പ്രേക്ഷകര്ക്ക് മുന്നിലെത്തുമെന്നാണ് പ്രതീക്ഷിക്കുന്നത്. ആകര്ഷ് ഖുറാനയാണ് ചിത്രം സംവിധാനം ചെയ്യുന്നത്. ചിത്രത്തില് തപ്സിയുടെ കഥാപാത്രത്തിന്റെ ഭര്ത്താവായി പ്രിയാന്ഷു പെയിന്യുലിയും എത്തുന്നുണ്ട്.
Read also : 40 വര്ഷങ്ങള്ക്ക് ശേഷം ‘അങ്ങാടി’ വീണ്ടുമെത്തുന്നു; ട്രെയ്ലര് പുറത്തിറങ്ങി