കണ്ണൂർ: മൊബൈൽ നെറ്റ്‌വർക്ക് ലഭിക്കാൻ ഏറുമാടം നിർമിച്ച് അധ്യാപകൻ. സോമവാർ പേട്ടക്കടുത്ത് മുള്ളൂർ ഗവ.ഹൈസ്കൂൾ അധ്യാപകൻ സിഎസ് സതീശാണ് വിദ്യാർഥികൾക്ക് ഓൺലൈൻ ക്‌ളാസെടുക്കാൻ വേറിട്ട വഴി കണ്ടെത്തിയത്.
മുള, പഴയ മരക്കഷ്‌ണങ്ങൾ, പനയുടെ കഷ്‌ണങ്ങൾ എന്നിവ ഉപയോഗിച്ച് മരത്തിന്റെ മുകളിലാണ് സതീശ് ഏറുമാടം നിർമിച്ചത്. ലാപ്‌ടോപ് ഇല്ലാത്തത് കാരണം മൊബൈൽ ഫോണിലാണ് ഇദ്ദേഹം ക്‌ളാസ്‌ എടുക്കാറുള്ളത്. ഏറുമാടത്തിൽ ബോർഡ് സ്‌ഥാപിച്ച്‌ ഇതിൽ എഴുതിയും കുട്ടികളെ പഠിപ്പിക്കുന്നുണ്ട്.
രണ്ട് മാസത്തെ ലോക്ക്‌ഡൗണിനിടെയാണ് ഏറുമാടം നിർമിച്ചതെന്നും 10,000 രൂപ ചെലവ് വന്നെന്നും ഇദ്ദേഹം പറയുന്നു. അതിനാൽ കുട്ടികൾക്ക് അനായാസമായി ക്‌ളാസ്‌ എടുക്കാൻ സാധിക്കുന്നുവെന്നും സതീശ് കൂട്ടിച്ചേർത്തു.
Also Read: ജാതിവിവേചനം; മദ്രാസ് ഐഐടിയിൽ നിന്ന് മലയാളി അധ്യാപകന്‍ രാജിവെച്ചു
