കൊല്ലം: കരുനാഗപ്പള്ളി വട്ടക്കായലിൽ വള്ളം മുങ്ങി ഒരാളെ കാണാതായി. കൂടെയുണ്ടായിരുന്ന രണ്ടു പേർ നീന്തി രക്ഷപ്പെട്ടു. കരുനാഗപ്പള്ളി, മരുതൂർക്കുളങ്ങര തെക്ക്, മംഗലത്ത് സുധിനെ (23) ആണ് കാണാതായത്. മണ്ണേൽ ഹരികൃഷ്‌ണൻ (23), പീടികചിറയിൽ ശിവശങ്കർ (22) എന്നിവരെ രക്ഷപ്പെടുത്തി കരുനാഗപ്പള്ളിയിലെ സ്വകാര്യ ആശുപത്രിയിൽ പ്രവേശിപ്പിച്ചു. വെള്ളിയാഴ്‌ച വൈകിട്ടാണ് സംഭവം. വട്ടക്കായലിൽ വള്ളത്തിൽ ചൂണ്ടയിടാൻ പോയതായിരുന്നു മൂവരും. ശക്‌തമായ കാറ്റിലും മഴയിലും വള്ളം മറിഞ്ഞതോടെ നീന്തി രക്ഷപെടാൻ ശ്രമിച്ചു. ഇതിനിടെയാണ് ഒരാളെ കാണാതായത്.
Read also: പിണറായി സർക്കാർ സത്യപ്രതിജ്‌ഞ വെർച്വൽ ആക്കണമെന്ന് ഐഎംഎ
