എറണാകുളം: ആലുവയിൽ റെയിൽ പാത മുറിച്ചു കടക്കുന്നതിനിടെ ട്രെയിൻ ഇടിച്ച് യുവാവിന്റെ കൈ അറ്റു. തമിഴ്നാട് വിലുപുരം സ്വദേശി ലക്ഷ്മിപതിയുടെ വലത് കൈ ആണ് അറ്റത്.
ആലുവ പുളിഞ്ചുവട് ഭാഗത്ത് നിന്ന് റെയിൽവേ പാത മുറിച്ചു കടക്കുന്നതിനിടെ തൃശൂർ ഭാഗത്തേക്ക് പോവുകയായിരുന്ന ജനശതാബ്ദിയാണ് ഇടിച്ചത്. ട്രാക്കിൽ ചോരവാർന്ന് കിടക്കുകയായിരുന്ന യുവാവിനെ ലോക്കൽ പോലീസും റെയിൽവേ ഉദ്യോഗസ്ഥരും ചേർന്നാണ് ആശുപത്രിയിൽ എത്തിച്ചത്.
യുവാവ് അപകടനില തരണം ചെയ്തതായി ആശുപത്രി അധികൃതർ അറിയിച്ചിട്ടുണ്ട്. ആലുവ പുളിഞ്ചുവട് റെയിൽ പാതയിൽ വളവുള്ള ഭാഗത്താണ് അപകടം നടന്നത്. വളവായതിനാൽ തന്നെ ഇവിടെ അപകടങ്ങൾ പതിവാണെന്ന് നാട്ടുകാർ ആരോപിക്കുന്നു.
Most Read: നമ്പർ 18 പോക്സോ കേസ്; അഞ്ജലിക്ക് മുൻകൂർ ജാമ്യം