കൊൽക്കത്ത: പശ്‌ചിമ ബംഗാൾ ഗൊസാബ മണ്ഡലത്തിൽ നിന്നുള്ള തൃണമൂൽ കോൺഗ്രസ് എംഎൽഎ ജയന്ത നസ്കർ അന്തരിച്ചു. ശനിയാഴ്‌ച കൊൽക്കത്തയിലെ ആശുപത്രിയിൽ വച്ചായിരുന്നു അന്ത്യം. 73 വയസായിരുന്നു.
കഴിഞ്ഞ മേയ് മാസത്തിൽ ഇദ്ദേഹത്തിന് കോവിഡ് ബാധിച്ചിരുന്നു എങ്കിലും പിന്നീട് രോഗമുക്‌തനായിരുന്നു. ഗൊസാബ മണ്ഡലത്തിൽ നിന്ന് തുടർച്ചയായി മൂന്നാം തവണയാണ് ഇദ്ദേഹം നിയമസഭയിലെത്തിയത്. മുതിർന്ന നേതാവിന്റെ നിര്യാണത്തിൽ തൃണമൂൽ അധ്യക്ഷയും ബംഗാൾ മുഖ്യമന്ത്രിയുമായ മമതാ ബാനർജി അനുശോചിച്ചു.
Read also: പാര്‍ലമെന്റ് അംഗങ്ങള്‍ക്കായി ഭാഷാ പഠന പദ്ധതി ഒരുങ്ങുന്നു
