തിരുവനന്തപുരം : രാജ്യസഭാ തിരഞ്ഞെടുപ്പുമായി ബന്ധപ്പെട്ട് സ്വതന്ത്ര നിലപാടെടുക്കാൻ തിരഞ്ഞെടുപ്പ് കമ്മീഷന് അധികാരമുണ്ടെന്ന് വ്യക്‌തമാക്കി കേന്ദ്രമന്ത്രി വി മുരളീധരൻ. തിരഞ്ഞെടുപ്പ് കമ്മീഷന് സ്വതന്ത്രമായ തീരുമാനങ്ങൾ എടുക്കാൻ സ്വാതന്ത്ര്യം ഉണ്ടെന്നും, അതിനെ ചോദ്യം ചെയ്യാനുള്ള അധികാരം ഇല്ലെന്നും അദ്ദേഹം വ്യക്‌തമാക്കി. കൂടാതെ രാജ്യസഭാ തിരഞ്ഞെടുപ്പുമായി ബന്ധപ്പെട്ട് തിരഞ്ഞെടുപ്പ് കമ്മീഷന്റെ തീരുമാനത്തെ ഇടത് മുന്നണി വിവാദമാകുന്നത് രണ്ട് വോട്ടുകൾ അധികം കിട്ടാൻ വേണ്ടിയാണെന്ന ആരോപണവും അദ്ദേഹം ഉന്നയിച്ചു.
ഒപ്പം തന്നെ ദേശീയ കോൺഗ്രസ് നേതാവ് രാഹുൽ ഗാന്ധിക്കെതിരെ ഇടുക്കി മുൻ എംപി ജോയ്‌സ് ജോർജ് നടത്തിയ പരാമർശത്തെയും വി മുരളീധരൻ തള്ളിപ്പറഞ്ഞു. രാഷ്‌ട്രീയത്തിൽ ശത്രുക്കളോട് പോലും ഇത്തരത്തിലുള്ള പരാമർശങ്ങൾ നടത്തരുതെന്ന് വ്യക്‌തമാക്കിയ അദ്ദേഹം, ഇത്തരം പരാമർശങ്ങൾ ജനാധിപത്യ സംസ്‌കാരത്തിന് യോജിച്ചതല്ലെന്നും കൂട്ടിച്ചേർത്തു.
Read also : സരസ്വതി സമ്മാൻ പുരസ്‌കാരം ശരൺകുമാർ ലിമ്പാളെക്ക്
