പാലക്കാട്: വായില് മുറിവുമായി അട്ടപ്പാടിയില് കണ്ടെത്തിയ കാട്ടാന ചരിഞ്ഞു. ‘ബുള്ഡോസര്’ എന്ന പേരില് അറിയപ്പെട്ടിരുന്ന ആന സ്ഫോടക വസ്തു കടിച്ചതിനെ തുടര്ന്നാണ് വായില് മുറിവേറ്റത്. രാവിലെ ഏഴു മണിയോടെ ഷോളയൂർ മരപ്പാലം ഭാഗത്താണ് ആനയെ ചരിഞ്ഞ നിലയിൽ കണ്ടെത്തിയത്.
അവശ നിലയില് കണ്ടെത്തിയ ആനയെ മയക്ക് വെടി വെച്ച് വീഴ്ത്തിയതിനു ശേഷം ചികിത്സ നടത്താനായിരുന്നു വനം വകുപ്പിന്റെ ശ്രമം. എന്നാല് അതിനിടെ ആന ചരിയുകയായിരുന്നു. വായിലെ മുറിവ് ഗുരുതരമായതിനാല് വെള്ളം പോലും കുടിക്കാന് കഴിയാത്ത അവസ്ഥയിലായിരുന്നു.
ആനക്ക് മുറിവേറ്റത് എങ്ങനെയെന്ന് വ്യക്തമല്ല. ആനയുടെ നാക്ക് പിളർന്ന നിലയിലായിരുന്നു. ഒരു മാസം മുന്പേ ഈ പ്രദേശത്തെ നിരവധി വീടുകള് ഈ ആന തകര്ത്തിരുന്നു. അതിനെ തുടര്ന്നാണ് നാട്ടുകാര് ബുള്ഡോസര് എന്ന് വിളിപ്പേരിട്ടത്.