തിരുവനന്തപുരം: ബിജെപി സംസ്‌ഥാന പ്രസിഡണ്ട് സ്‌ഥാനം ഏറ്റെടുക്കാൻ താൽപര്യമില്ലെന്ന നിലപാടിൽ ഉറച്ച് നടനും രാജ്യസഭ എംപി‍യുമായ സുരേഷ് ഗോപി. കേന്ദ്രമന്ത്രി വി മുരളീധരനോ ഇപ്പോഴത്തെ സംസ്‌ഥാന പ്രസിഡണ്ടോ പറഞ്ഞാലും തനിക്ക് ഇക്കാര്യത്തിൽ താൽപര്യമില്ലെന്ന് സുരേഷ് ഗോപി വ്യക്‌തമാക്കി.
രാഷ്‌ട്രീയക്കാരാണ് പ്രസിഡണ്ടാകേണ്ടത്, സിനിമാക്കാരല്ല. മോദിയോ അമിത് ഷായോ തന്നോട് പ്രസിഡണ്ട് പദം സ്വീകരിക്കാൻ പറയില്ലെന്നും സുരേഷ് ഗോപി കൂട്ടിച്ചേർത്തു. നേതൃസ്‌ഥാനം കൈകാര്യം ചെയ്യാന്‍ ഒരുപാട് പാടവമുള്ള നേതാക്കള്‍ പാര്‍ട്ടിയിലുണ്ട്. ഏല്‍പ്പിച്ച ജോലി ഭംഗിയായി ചെയ്യാനാണ് ശ്രമിക്കുന്നത്. ഇത്തരത്തിൽ മുന്നോട്ടുപോകാനാണ് താൽപര്യമെന്നും സുരേഷ് ഗോപി നേരത്തേ വ്യക്‌തമാക്കിയിരുന്നു.
Read also: തിരഞ്ഞെടുപ്പ് തോല്‍വി; യുഡിഎഫ് ഇന്ന് യോഗം ചേരും
