തിരുവനന്തപുരം: സംസ്‌ഥാനത്തെ നിയമസഭാ തിരഞ്ഞെടുപ്പില്‍ കോണ്‍ഗ്രസ് നേരിട്ട പരാജയം ചര്‍ച്ച ചെയ്യാന്‍ സമ്പൂര്‍ണ യുഡിഎഫ് യോഗം ഇന്ന് ചേരും. തിരുവനന്തപുരത്ത് വെച്ചാണ് യോഗം. കെപിസിസി പുതിയ നേതൃത്വം ചുമതല ഏറ്റതിന് ശേഷമുള്ള യുഡിഎഫിന്റെ ആദ്യ യോഗമാണ് ഇന്ന് ചേരുക.
തോല്‍വിയെ കുറിച്ചുള്ള കെപിസിസി അന്വേഷണ സമിതി റിപ്പോര്‍ട്ടിലെ പാര്‍ട്ടിക്കെതിരായ പരാമര്‍ശങ്ങളില്‍ ഉള്ള അതൃപ്‌തി കേരള കോണ്‍ഗ്രസ് ജോസഫ് വിഭാഗം യോഗത്തില്‍ ഉന്നയിക്കും. കൂടാതെ ചവറയിലെ തോല്‍വിക്ക് കാരണമായ കോണ്‍ഗ്രസ് നേതാക്കള്‍ക്ക് എതിരെ നടപടി എടുക്കുമെന്ന് ആര്‍എസ്‌പിക്ക് നല്‍കിയ ഉറപ്പിൻമേലുള്ള തീരുമാനവും യോഗത്തില്‍ ഉണ്ടാകുമെന്നാണ് സൂചന.
Most Read: മഞ്ചേശ്വരം കോഴക്കേസ്; കെ സുരേന്ദ്രന് വീണ്ടും ക്രൈംബ്രാ‍ഞ്ച് നോട്ടീസ്
