തിരുവനന്തപുരം: മിശ്ര വിവാഹം കഴിച്ചതിന്റെ പേരിൽ യുവാവിന് മർദ്ദനമേറ്റതായി പരാതി. ചിറയിൻകീഴ് സ്വദേശി മിഥുനാണ് മർദ്ദനമേറ്റത്. മിഥുൻ വിവാഹം കഴിച്ച പെൺകുട്ടിയുടെ സഹോദരനാണ് ക്രൂരമായി മർദ്ദിച്ചത്. കഴിഞ്ഞ 29ആം തിയതിയായിരുന്നു ചിറയിൻകീഴ് സ്വദേശികളായ മിഥുനും ദീപ്‌തിയും വിവാഹം കഴിച്ചത്. വീട്ടുകാരുടെ സമ്മതമില്ലാതെയായിരുന്നു വിവാഹം.
തുടർന്ന് കുടുംബവുമായുള്ള പ്രശ്‌നങ്ങൾ സംസാരിക്കാമെന്ന് പറഞ്ഞ് ഇക്കഴിഞ്ഞ ഞായറാഴ്‌ച മിഥുനെ ദീപ്‌തിയുടെ സഹോദരൻ വിളിച്ചുകൊണ്ട് പോകുകയായിരുന്നു. തുടർന്നാണ് സഹോദരനും മറ്റു മൂന്നുപേരും ചേർന്ന് മിഥുനെ ക്രൂരമായി മർദ്ദിച്ചത്. ആദ്യം കൈകൊണ്ടും, പിന്നീട് വടി ഉപയോഗിച്ചും ക്രൂരമായി മർദ്ദിക്കുന്ന ദൃശ്യങ്ങൾ ഇപ്പോൾ പുറത്തുവന്നിട്ടുണ്ട്. മർദ്ദനത്തിൽ മിഥുന്റെ തലക്കും, നട്ടെല്ലിനും കാലുകൾക്കും ഗുരുതരമായി പരുക്കേറ്റിട്ടുണ്ട്. സംഭവത്തിൽ ചിറയിൻകീഴ് പോലീസ് കേസെടുത്തു.
Read also: അഫ്ഗാനിൽ വിദേശ കറന്‍സിക്ക് വിലക്ക്; ലംഘിച്ചാൽ നടപടിയെന്ന് താലിബാൻ
