കൊച്ചി: മുതിർന്ന കോൺഗ്രസ് നേതാവും എംഎല്എയുമായ പിടി തോമസ് അന്തരിച്ചതിന് പിന്നാലെ സോഷ്യൽ മീഡിയയിൽ അപകീര്ത്തികരമായ പോസ്റ്റുകള് പ്രത്യക്ഷപ്പെട്ട സംഭവത്തിൽ നടപടി ആവശ്യപ്പെട്ട് യൂത്ത് കോണ്ഗ്രസ്. സംസ്ഥാന കമ്മിറ്റി അംഗം നഹാസാണ് പത്തനംതിട്ട ജില്ലാ പോലീസ് മേധാവിക്ക് പരാതി നല്കിയത്.
ദീർഘകാലമായി അർബുദ രോഗ ബാധിതനായിരുന്ന പിടി തോമസ് ഇന്ന് രാവിലെ പത്തുമണിയോടെ തമിഴ്നാട്ടിലെ വെല്ലൂർ ആശുപത്രിയിൽ വെച്ചാണ് അന്തരിച്ചത്. നാളെയാണ് സംസ്കാര ചടങ്ങുകൾ നടക്കുക. നാളെ രാവിലെ എറണാകുളം ഡിസിസി ഓഫിസിലും കാക്കനാട് കമ്മ്യൂണിറ്റി ഹാളിലും പൊതുദര്ശനമുണ്ടാകും. മൂന്ന് ദിവസത്തേക്ക് കോണ്ഗ്രസിന്റെ എല്ലാ പൊതുപരിപാടികളും റദ്ദു ചെയ്തതായി കെപിസിസി അധ്യക്ഷന് കെ സുധാകരന് അറിയിച്ചു.
Read also: അധ്യാപകനെതിരെ നടപടി വൈകുന്നു; കാലടിയിൽ ഗവേഷക വിദ്യാർഥിനിയുടെ പ്രതിഷേധം