തൃശൂർ: ജില്ലയിലെ കൊടുങ്ങല്ലൂരിൽ വച്ച് ഒന്നരക്കിലോ സ്വർണം പിടികൂടി. സംഭവത്തിൽ രണ്ട് പേരെ പോലീസ് അറസ്റ്റ് ചെയ്യുകയും ചെയ്തു. നെടുമ്പാശേരി വിമാനത്താവളം വഴി കസ്റ്റംസിനെ വെട്ടിച്ച് കടത്തിയ സ്വർണമാണ് കൊടുങ്ങല്ലൂരിൽ വച്ച് പോലീസ് പിടികൂടിയത്.
മലപ്പുറം സ്വദേശി നിഷാജ്, അഴീക്കോട് സ്വദേശി സബീല് എന്നിവരാണ് അറസ്റ്റിലായത്. വിമാനത്താവളം വഴി കടത്തിയ സ്വർണം മലപ്പുറത്തേക്ക് കടത്താനായിരുന്നു പ്രതികളുടെ ലക്ഷ്യമെന്ന് പോലീസ് വ്യക്തമാക്കി. കൂടാതെ സ്വർണം കടത്താൻ ശ്രമിച്ച കാറും പോലീസ് പിടികൂടി.
Read also: പാർലമെന്റ് മാർച്ചുമായി ഡിവൈഎഫ്ഐ; സംഘർഷം, എഎ റഹീം ഉൾപ്പടെ അറസ്റ്റിൽ