കൊല്ലം: പാമ്പ് കടിയേറ്റ് ചികിത്സയിലായിരുന്ന 10 വയസുകാരി മരിച്ചു. പത്തനാപുരം മാങ്കോട് രാജീവ് – സിന്ധു ദമ്പതികളുടെ മകള് ആദിത്യയാണ് മരിച്ചത്. വീട്ടില് ഉറങ്ങി കിടക്കുകയായിരുന്ന കുട്ടിക്ക് ഇന്നലെയാണ് പാമ്പ് കടിയേറ്റത്. വീടിന്റെ ദയനീയാവസ്ഥയാണ് കുട്ടിക്ക് പാമ്പ് കടിയേല്ക്കാനുള്ള കാരണം. മണ്കട്ട കൊണ്ടുണ്ടാക്കിയ വീടിന്റെ തറയില് നിരവധി പൊത്തുകളുണ്ട്. ഇതിലൂടെയാണ് പാമ്പ് എത്തിയതെന്നാണ് പൊലീസും ബന്ധുക്കളും പറയുന്നത്.
കുട്ടിയെ ആദ്യം താലൂക്ക് ആശുപത്രിയിലും പിന്നീട് തിരുവല്ലയിലെ സ്വകാര്യ ആശുപത്രിയിലും എത്തിച്ചെങ്കിലും രക്ഷിക്കാനായില്ല. ഇന്ന് രാവിലെയാണ് കുട്ടി മരിച്ചത്.
Read also: കുരുക്ക് മുറുകുന്നു; കേസുകൾ നടത്താൻ പുതിയ നിയമകാര്യ സെൽ രൂപീകരിച്ച് സർക്കാർ