ന്യൂഡെൽഹി: ഇറ്റലിയിൽ നിന്നും പഞ്ചാബിലെത്തിയ 125 യാത്രക്കാർക്ക് കോവിഡ്. പഞ്ചാബിലെ അമൃത്‌സറിലെത്തിയ യാത്രക്കാർക്കാണ് കോവിഡ് സ്‌ഥിരീകരിച്ചത്‌. എയർ ഇന്ത്യ വിമാനത്തിലാണ് ഇവർ ഇന്ത്യയിലെത്തിയത്.
അമൃത്‌സറിലെത്തിയ യാത്രക്കാർക്ക് വിമാനത്താവളത്തിൽ നടത്തിയ കോവിഡ് പരിശോധനയിൽ രോഗബാധ കണ്ടെത്തുകയായിരുന്നു. അതേസമയം തന്നെ യാത്രക്കാർക്ക് ഒമൈക്രോൺ ബാധയുണ്ടോ എന്നറിയാൻ വിശദമായ പരിശോധന നടത്തുമെന്നും അധികൃതർ വ്യക്‌തമാക്കി.
നിലവിൽ ലോകമെമ്പാടും ഒമൈക്രോൺ വ്യാപനം രൂക്ഷമാകുന്ന സാഹചര്യത്തിലാണ് ഇറ്റലിയിൽ നിന്നുള്ള യാത്രക്കാരിൽ രോഗബാധ കണ്ടെത്തിയത്. രോഗവ്യാപനശേഷി കൂടുതലായതിനാൽ തന്നെ ഇത് വലിയ ആശങ്കകൾ സൃഷ്‌ടിക്കുന്നുണ്ട്.
Read also: നടിയെ ആക്രമിച്ച കേസ്; ബാലചന്ദ്ര കുമാറിന്റെ രഹസ്യ മൊഴിയെടുക്കാൻ അനുമതി
