കോഴിക്കോട്: ബാലുശ്ശേരി പോലീസ് സ്റ്റേഷനിൽ മൂന്ന് പോലീസുകാർക്ക് കൂടി കോവിഡ് സ്ഥിരീകരിച്ചു. ഇതോടെ ഈ പോലീസ് സ്റ്റേഷനിൽ കോവിഡ് ബാധിച്ചവരുടെ ആകെ എണ്ണം 5 ആയി. നേരത്തെ രണ്ട് പോലീസുകാർ രോഗബാധിതരായിരുന്നു. തുടർന്ന്, പോലീസ് സ്റ്റേഷനിലേക്കുള്ള പൊതുജനങ്ങളുടെ പ്രവേശനം താൽകാലികമായി നിർത്തിവെച്ചു. സ്റ്റേഷൻ അണുവിമുക്തമാക്കിയതിന് ശേഷം മാത്രമേ തുറന്ന് പ്രവർത്തിക്കുകയുള്ളൂ.
Also Read: എടച്ചേരി, നരിപ്പറ്റ വില്ലേജ് ഓഫീസുകള് ഇനി സ്മാർട്ടാകും
അതേസമയം. ജില്ലയിൽ വീണ്ടും കോവിഡ് കേസുകൾ 1000 കടന്നു. ഇന്നലെ 1219 പോസിറ്റീവ് കേസുകളാണ് റിപ്പോർട്ട് ചെയ്തത്. 28 ആരോഗ്യപ്രവർത്തകർക്കും രോഗം സ്ഥിരീകരിച്ചു. 1121 പേർക്ക് സമ്പർക്കത്തിലൂടെയാണ് രോഗബാധ. ഇതിൽ 76 പേരുടെ ഉറവിടം വ്യക്തമല്ല. ആകെ 954 പേർ രോഗമുക്തി നേടി.