മലപ്പുറം: കോവിഡ് വ്യാപനം ഉയരുന്ന പശ്ചാത്തലത്തിൽ പ്രതിരോധ പ്രവര്ത്തനങ്ങള് കൂടുതൽ ഊര്ജിതമാക്കി മലപ്പുറം ജില്ല. പ്രതിരോധ വാക്സിന് ജില്ലയിൽ കൂടുതല് പേര്ക്ക് നല്കാനുള്ള നടപടികള് ആരംഭിച്ചതായി ജില്ലാ മെഡിക്കല് ഓഫീസര് ഡോ. കെ സക്കീന അറിയിച്ചു.
കോഴിക്കോട് പ്രാദേശിക വാക്സിന് സ്റ്റോറില് നിന്ന് 30,000 കൊവിഷീല്ഡ് വാക്സിന് അടുത്ത ദിവസം ജില്ലയിലെത്തുമെന്നും ഇതോടെ പ്രതിരോധ ക്യാംപുകള് കൂടുതല് വ്യാപകമാക്കുമെന്നും ജില്ലാ മെഡിക്കല് ഓഫീസര് വ്യക്തമാക്കി.
ഇതുവരെ 4,38,200 പേരാണ് ജില്ലയിൽ പ്രതിരോധ കുത്തിവെപ്പെടുത്തത്. കഴിഞ്ഞ ദിവസം മാത്രം 1,825 പേർ പ്രതിരോധ കുത്തിവെപ്പ് നടത്തി. ഇതുവരെ 3,98,568 പേര് ഒന്നാം ഡോസ് വാക്സിനും 39,632 പേര് രണ്ടാം ഡോസ് വാക്സിനും സ്വീകരിച്ചിട്ടുണ്ട്.
Malabar News: കള്ളന്റെ എടിഎം കൈക്കലാക്കി പണം കവർന്നു; പോലീസുകാരനെതിരെ മോഷണത്തിന് കേസ്