കണ്ണൂർ: പരിയാരം മെഡിക്കൽ കോളേജിൽ അധ്യാപക, നഴ്സിങ് വിഭാഗത്തിൽ സ്ഥിര നിയമനം. 147 അധ്യാപക വിഭാഗം ജീവനക്കാരും 521 വിവിധ കേഡറിലുള്ള നഴ്സിങ് വിഭാഗം ജീവനക്കാരും ഉൾപ്പടെ 668 പേരെ സർവീസിൽ ഉൾപ്പെടുത്തി സ്ഥിര നിയമന ഉത്തരവ് ഇറക്കിയതായി ആരോഗ്യമന്ത്രി വീണാ ജോർജ് അറിയിച്ചു.
37 പ്രൊഫസർ, 34 അസോസിയേറ്റ് പ്രൊഫസർ, 50 അസിസ്റ്റന്റ് പ്രൊഫസർ, 26 ലക്ചറർ തസ്തികകളിലാണ് അധ്യാപകരെ സ്ഥിരപ്പെടുത്തിയിരിക്കുന്നത്. രണ്ട് നഴ്സിങ് സൂപ്രണ്ട് ഗ്രേഡ് രണ്ട്, 11 ഹെഡ് നഴ്സ്, 232 സ്റ്റാഫ് നഴ്സ് ഗ്രേഡ് ഒന്ന്, 276 സ്റ്റാഫ് നഴ്സ് ഗ്രേഡ് രണ്ട് എന്നിങ്ങനെയാണ് നഴ്സിങ് വിഭാഗം ജീവനക്കാരെ സ്ഥിരപ്പെടുത്തിയതെന്നും മന്ത്രി വ്യക്തമാക്കി.
പരിയാരം മെഡിക്കൽ കോളേജ്, പരിയാരം ദന്തൽ കോളേജ്, അക്കാദമി ഓഫ് ഫാർമസ്യൂട്ടിക്കൽ സയൻസസ്, പരിയാരം കോളേജ് ഓഫ് നഴ്സിങ്, സഹകരണ ഹൃദയാലയ, ഇൻസ്റ്റിറ്റ്യൂട്ട് ഓഫ് പാരാമെഡിക്കൽ സയൻസസ് എന്നിവ സർക്കാർ ഏറ്റെടുക്കുകയും മെഡിക്കൽ വിദ്യാഭ്യാസ വകുപ്പിന്റെ കീഴിലാക്കുകയും ചെയ്തു.
Most Read: ധീരജ് വധക്കേസ്; ഒന്നാംപ്രതി നിഖിൽ പൈലി ഒഴികെയുള്ള പ്രതികൾക്ക് ജാമ്യം