ആനക്കുട്ടികളുടെ കുട്ടിക്കുറുമ്പ് കാണാനും ആസ്വദിക്കാനും ഇഷ്ടമില്ലാത്തവർ ഉണ്ടാകില്ല. ഇപ്പോഴിതാ ഒരു ആനക്കുട്ടിയുടെ പ്രവർത്തിയാണ് സോഷ്യൽ മീഡിയയിൽ വൈറലാകുന്നത്. ബംഗാളിലെ അലിപൂർദുർ ജില്ലയിലെ ജൽദാപാര വനത്തിൽ നിന്നുള്ള രസകരമായ ഈ കാഴ്ച അരുണാചൽ പ്രദേശിലെ പോലീസ് ഉദ്യോഗസ്ഥനായ എച്ച്ജിഎസ് ധാലിവാൾ ആണ് ട്വിറ്ററിൽ പങ്കുവെച്ചിരിക്കുന്നത്.
ഈ ആനക്കുട്ടിക്ക് വെറും ഒൻപത് മാസം പ്രായമേയുള്ളൂ. പ്രദേശത്ത് താമസിക്കുന്ന ആളുകൾ ചെയ്യുന്നത് നിരീക്ഷിച്ചാണ് ആനക്കുട്ടി ഹാൻഡ് പമ്പ് പ്രവർത്തിപ്പിക്കുന്നത് പഠിച്ചത് എന്നാണ് നാട്ടുകാർ പറയുന്നത്. ഇപ്പോൾ സ്ഥിരമായി ആനക്കുട്ടി ഇവിടെ വെള്ളം കുടിക്കാൻ വരാറുണ്ട്. ഈ രസകരമായ കാഴ്ച പ്രദേശവാസികൾ മാറി നിന്ന് കാണുകയും വീഡിയോയിൽ പകർത്തുകയുമായിരുന്നു.
ഹാൻഡ് പമ്പ് സ്വയം പ്രവർത്തിപ്പിച്ച് വെള്ളം തുമ്പിക്കയ്യിൽ നിറച്ച് കുടിക്കുന്ന കുട്ടിക്കുറുമ്പന്റെ വീഡിയോ ഇതിനോടകം നിരവധി പേരാണ് പങ്കുവെച്ചത്.
baby elephant pumping a tube well to drink from it at the Jaldapara forest in Alipurduar district of Bengal! #nature pic.twitter.com/tK4fPBGsK6
— HGS Dhaliwal (@hgsdhaliwalips) June 14, 2021
Most Read: മലിനജലം ഒഴുക്കാൻ മാത്രമല്ല, വീട് ഒരുക്കാനും ഈ പൈപ്പ് മതി; വ്യത്യസ്ത ആശയവുമായി യുവതി