തിരുവനന്തപുരം: സഹകരണ മന്ത്രി വിഎൻ വാസവന് ദേഹാസ്വാസ്ഥ്യം. നിയമസഭാ സമ്മേളനം നടക്കുന്നതിനിടെയാണ് മന്ത്രിക്ക് ദേഹാസ്വാസ്ഥ്യം ഉണ്ടായിരിക്കുന്നത്. തുടർന്ന് ആശുപത്രിയിൽ പ്രവേശിപ്പിച്ച മന്ത്രിയുടെ ആരോഗ്യനില നിലവിൽ തൃപ്തികരമാണെന്ന് ഡോക്ടർമാർ വ്യക്തമാക്കി.
രക്ത സമ്മർദ്ദം കുറഞ്ഞതാണ് ദേഹാസ്വാസ്ഥ്യം ഉണ്ടാകാൻ കാരണമായത്. രാവിലെ നടന്ന നിയമസഭാ സമ്മേളനത്തിന് ശേഷം ഔദ്യോഗിക വസതിയിലേക്ക് മടങ്ങും വഴിയാണ് ദേഹാസ്വാസ്ഥ്യം ഉണ്ടായത്. തുടർന്ന് തിരുവനന്തപുരം മെഡിക്കൽ കോളേജിൽ പ്രവേശിപ്പിക്കുകയായിരുന്നു. പരിശോധനകൾക്ക് ശേഷം അദ്ദേഹം നിലവിൽ ആശുപത്രി വിട്ടു.
Read also : അതിര്ത്തി തര്ക്കം പരിഹരിക്കും; സംയുക്ത പ്രസ്താവനയിറക്കി അസമും മിസോറാമും
