ന്യൂഡെൽഹി: അഫ്ഗാനിസ്ഥാനിൽ കുടുങ്ങിയ 222 പേർ ഇന്ത്യയിൽ തിരിച്ചെത്തി. ഇന്ത്യക്കാരെയും വഹിച്ചികൊണ്ടുള്ള വ്യോമസേനയുടെ ഒരു വിമാനവും എയർ ഇന്ത്യയുടെ ഒരു വിമാനവുമാണ് രാജ്യത്ത് എത്തിയത്. താജിക്കിസ്ഥാനിൽ നിന്നും ഖത്തറിൽ നിന്നുമാണ് വിമാനങ്ങൾ എത്തിയത്. ഇന്ത്യക്കാർക്കൊപ്പം രണ്ട് നേപ്പാൾ പൗരൻമാരെയും തിരിച്ചെത്തിച്ചു. അമേരിക്കൻ വിമാനങ്ങളിൽ ദോഹയിൽ എത്തിയ 135 പേരാണ് മടങ്ങിയത്. രക്ഷാദൗത്യം തുടരുമെന്ന് വിദേശകാര്യ മന്ത്രാലയം അറിയിച്ചു.
അതേസമയം, കാബൂൾ വിമാനത്താവള പരിസരത്ത് സ്ഥിതിഗതികൾ അതീവ ഗുരുതരമെന്ന് അമേരിക്ക അറിയിച്ചു. അമേരിക്കൻ പൗരൻമാർ ഒറ്റക്ക് സഞ്ചരിച്ച് വിമാനത്താവളത്തിൽ എത്താൻ ശ്രമിക്കരുതെന്ന് യുഎസ് എംബസി മുന്നറിയിപ്പ് നൽകി. താലിബാൻ പ്രതികാര നടപടികളിലേക്ക് കടക്കുന്നു എന്ന യുഎൻ രഹസ്യാന്വോഷണ റിപ്പോർട് പുറത്ത് വന്നതോടെ മറ്റു രാജ്യങ്ങൾ പൗരൻമാരെ അഫ്ഗാനിൽ നിന്നും ഒഴിപ്പിക്കുന്നത് വേഗത്തിൽ ആക്കിയിരിക്കുകയാണ്. താലിബാൻ വഴി തടയുന്നതിനാൽ പലർക്കും കാബൂളിൽ എത്തിച്ചേരാൻ കഴിയാത്ത സ്ഥിതിയുമുണ്ട്.
Most Read: ‘അഫ്ഗാനിൽ നിന്നും കേന്ദ്രസര്ക്കാര് പാഠം ഉള്ക്കൊള്ളണം’; വിവാദ പ്രസ്താവനയുമായി മെഹ്ബൂബ
