തിരുവനന്തപുരം: കേരളത്തില് അതിശക്തമായ മഴയ്ക്കുള്ള സാധ്യത കണക്കിലെടുത്ത് കേന്ദ്ര കാലാവസ്ഥ വകുപ്പ് ഇന്ന് മൂന്ന് ജില്ലകളില് കൂടി ഓറഞ്ച് അലര്ട് പ്രഖ്യാപിച്ചു. കാസര്ഗോഡ്, തൃശൂര്, എറണാകുളം, ജില്ലകളിൽ കൂടിയാണ് ഓറഞ്ച് അലര്ട് പ്രഖ്യാപിച്ചിട്ടുള്ളത്. ഇടുക്കി, പാലക്കാട്, മലപ്പുറം, വയനാട്, കോഴിക്കോട്, കണ്ണൂര് ജില്ലകളിലാണ് നേരത്തെ ഓറഞ്ച് അലർട് പ്രഖ്യാപിച്ചിരുന്നത്.
കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം, വയനാട്, കോഴിക്കോട്, കണ്ണൂര് ജില്ലകളില് നാളെയും ഓറഞ്ച് അലര്ട് പ്രഖ്യാപിച്ചിട്ടുണ്ട്. ഓറഞ്ച് അലർട് പ്രഖ്യാപിച്ചിട്ടുള്ള ഇടങ്ങളിൽ അതിശക്തമായ മഴയാണ് പ്രവചിക്കപ്പെട്ടിരിക്കുന്നത്. ഒറ്റപ്പെട്ടയിടങ്ങളില് 24 മണിക്കൂറില് 115.6 മുതല് 204.4 മില്ലിമീറ്റര് വരെ മഴ പെയ്യാനുള്ള സാധ്യതയാണ് അതിശക്തമായ മഴ കൊണ്ടര്ഥമാക്കുന്നത്.
കഴിഞ്ഞ ദിവസങ്ങളില് വലിയ അളവില് മഴ ലഭിച്ച പ്രദേശങ്ങളില് മഴ തുടരുന്ന സാഹചര്യത്തില് താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്- മണ്ണിടിച്ചില് സാധ്യതയുള്ള മലയോര പ്രദേശങ്ങള് തുടങ്ങിയ ഇടങ്ങളിലുള്ളവര് അതീവ ജാഗ്രത പാലിക്കണം.
Read Also: കോൺഗ്രസ് ഇതുവരെ പാഠം പഠിച്ചില്ല, പാർടിയിൽ തമ്മിലടി; ഷിബു ബേബി ജോൺ
