ദോഹ: ഖത്തറില് കോവിഡ് നിയന്ത്രണങ്ങള് ലംഘിക്കുന്നവര്ക്കെതിരെ ആഭ്യന്തര മന്ത്രാലയം നടപടികള് ശക്തമാക്കുന്നത് തുടരുന്നു. നിയമം ലംഘിച്ച 357 പേര്കൂടി വെള്ളിയാഴ്ച പിടിയിലായതായി അധികൃതര് അറിയിച്ചു. ഇവരില് 345 പേരും മാസ്ക് ധരിക്കാത്തതിനാണ് പിടിയിലായത്.
മൊബൈലില് ഇഹ്തിറാസ് ആപ്ളിക്കേഷന് ഇല്ലാതിരുന്നതിന് 12 പേരെയാണ് അധികൃതര് പിടികൂടിയത്. പിടിയിലായ എല്ലാവരെയും തുടര് നടപടികള്ക്കായി പ്രോസിക്യൂഷന് കൈമാറി.
ഖത്തറില് ഇതുവരെ ആയിരക്കണക്കിന് ആളുകളെയാണ് കോവിഡ് നിയന്ത്രണങ്ങള് ലംഘിച്ചതിന്റെ പേരില് ആഭ്യന്തര മന്ത്രാലയത്തിലെ ഉദ്യോഗസ്ഥര് പിടികൂടി പ്രോസിക്യൂഷന് കൈമാറിയത്. അതേസമയം ക്യാബിനറ്റ് തീരുമാനത്തിന് അനുസൃതമായാണ് നടപടി സ്വീകരിച്ചതെന്ന് അധികൃതര് അറിയിച്ചു.
എല്ലാ പൊതുസ്ഥലങ്ങളിലും മാസ്ക് ധരിക്കണമെന്നത് രാജ്യത്ത് നിര്ബന്ധമാണ്. മാസ്ക് ധരിക്കാത്തതുമായി ബന്ധപ്പെട്ട നിയമലംഘനങ്ങള്ക്ക് സാംക്രമിക രോഗങ്ങള് തടയുന്നതിനുള്ള 1990ലെ 17ആം നമ്പര് ഉത്തരവ് പ്രകാരമാണ് നടപടിയെടുക്കുക. ഇതുവരെ ആയിരക്കണക്കിന് പേരെയാണ് ഇത്തരത്തില് അധികൃതര് പിടികൂടിയത്.
Most Read: യുക്രൈൻ രക്ഷാദൗത്യം; പുതിയ മാർഗ നിർദ്ദേശവുമായി ഇന്ത്യൻ എംബസി
