ദോഹ: ഗതാഗത നിയമങ്ങൾ ലംഘിച്ചതിനെ തുടർന്ന് ഖത്തറിൽ നിന്നും രണ്ടായിരത്തിലധികം വാഹനങ്ങൾ പിടിച്ചെടുത്തതായി അധികൃതർ. റമദാൻ മാസത്തിലാണ് ഇത്രയദിനം വാഹനങ്ങൾ പിടിച്ചെടുത്തതെന്ന് ജനറല് ഡയറക്ടറേറ്റ് ഓഫ് ട്രാഫിക് അറിയിച്ചു.
വാഹനങ്ങളില് നിന്ന് അമിത ശബ്ദമുണ്ടാക്കുക, പൊതു നിരത്തുകളില് സാഹസിക അഭ്യാസങ്ങളിലേര്പ്പെടുക, മൽസരയോട്ടം നടത്തുക എന്നീ നിയമലംഘനങ്ങളെ തുടർന്നാണ് വാഹനങ്ങൾ പിടിച്ചെടുത്തത്. പിടിയിലായവര്ക്കെതിരെ നിയമപ്രകാരമുള്ള നടപടികള് സ്വീകരിച്ചതായി ജനറല് ട്രാഫിക് ഇന്വെസ്റ്റിഗേഷന് വിഭാഗം അറിയിച്ചു.
ജനവാസ മേഖലകളില് വാഹനങ്ങളുമായി അഭ്യാസ പ്രകടനം നടത്തുന്നവരെക്കുറിച്ചുള്ള നിരവധി പരാതികളും അധികൃതര്ക്ക് ലഭിച്ചു. ഇത്തരക്കാരെ പിടികൂടാന് രാജ്യത്തിന്റെ എല്ലാ ഭാഗങ്ങളിലും പട്രോളിങ് കൂടുതല് കര്ശനമാക്കിയിട്ടുണ്ട്.
Read also: എയിംസ് കോഴിക്കോട്; നടപടികൾ വേഗത്തിലാക്കി സർക്കാർ
