പാലക്കാട്: കാലവർഷം മതിയായ രീതിയിൽ ലഭിക്കാത്തതോടെ പ്രതിസന്ധിയിലായി പാലക്കാട്ടെ നെൽ കർഷകർ. ഒന്നാം വിള നെൽ കൃഷിക്കായി ഡാമുകളിൽ ആവശ്യത്തിന് വെള്ളമില്ലാതായതോടെയാണ് ഇവർ ആശങ്കയിലായത്. വരും ദിവസങ്ങളിൽ എങ്കിലും കൂടുതൽ മഴ ലഭിച്ചില്ലെങ്കിൽ കൃഷി ഉപേക്ഷിക്കേണ്ട സ്ഥിതിയാണെന്ന് കർഷകർ പറയുന്നു.
കഴിഞ്ഞ ജൂലൈയിൽ 111.40 മീറ്റർ ആയിരുന്നു മലമ്പുഴ ഡാമിലെ ജലനിരപ്പ്. നിലവിൽ 104.23 മീറ്റർ വെള്ളം മാത്രമാണുള്ളത്. അതായത് കഴിഞ്ഞ വർഷത്തേക്കാൾ 20 ശതമാനം കുറവ് വെള്ളം. സമാന അവസ്ഥയാണ് ജില്ലയിലെ മറ്റു ഡാമുകളിലും.
ശുദ്ധജല വിതരണത്തിന് മാത്രമുള്ള വെള്ളമാണ് ഡാമുകളിൽ നിലവിലുള്ളത്. ജൂൺ മാസത്തിൽ പ്രതീക്ഷിച്ച മഴ ലഭിക്കാത്തതാണ് പ്രതിസന്ധിക്ക് കാരണം. ഇതോടെ ഒന്നാം വിള നെൽ കൃഷി മുടങ്ങുമോയെന്ന ആശങ്കയിലാണ് കർഷകർ. സംസ്ഥാനത്ത് കാലവർഷം എത്തിയെങ്കിലും മിക്ക ജില്ലകളിലും ലഭിക്കുന്ന മഴയുടെ അളവ് കുറവാണ്.
Most Read| വിഴിഞ്ഞത്ത് പ്രാഥമിക കരാറെന്ന് അദാനി; സർക്കാരിന് പുതുക്കിയ അപേക്ഷ നൽകി
