ചണ്ഡിഗഢ്: കേന്ദ്ര സർക്കാരിന്റെ പുതിയ കാർഷിക നിയമങ്ങൾക്ക് എതിരെ പ്രക്ഷോഭം നടത്തുന്ന കർഷകർക്ക് ഐക്യദാർഢ്യം പ്രഖ്യാപിച്ച് വിവാഹ വേദിയിലേക്ക് ട്രാക്ടറിൽ എത്തി വരൻ. കർണാലിൽ സിവിൽ എൻജിനീയർ ആയ സുമിത് ആണ് വ്യത്യസ്തമായ രീതിയിലൂടെ കർഷക പ്രക്ഷോഭത്തിന് ഐക്യദാർഢ്യം പ്രഖ്യാപിച്ചത്.
പൊതുവെ അലങ്കരിച്ച കാറിലാണ് വരൻ വിവാഹ വേദിയിലേക്ക് എത്താറുള്ളത്. എന്നാൽ കർഷക പ്രക്ഷോഭത്തിന് പിന്തുണ പ്രഖ്യാപിച്ചുള്ള സന്ദേശം നൽകാനാണ് ഈ മാർഗം സ്വീകരിച്ചതെന്ന് സുമിത് പറഞ്ഞു. തന്റെ കുടുംബം പട്ടണത്തിലേക്ക് കുടിയേറിയതാണ്. എന്നാൽ ഇപ്പോഴും കുടുംബത്തിന്റെ വേരുകൾ കാർഷിക മേഖലയിലാണ്. അതുകൊണ്ട് തന്നെ കർഷകർക്കാണ് മുൻഗണന നൽകുന്നതെന്നും സുമിത് പറഞ്ഞു.
Haryana: Groom in Karnal leaves his luxury car behind & rides a tractor to his wedding venue to show support to farmers’ protest.
“We might be moving to city but our roots are farming. Farmers should be priority. We want to send message that farmers have public support,” he says pic.twitter.com/KUgJkLleAy
— ANI (@ANI) December 4, 2020
രാഷ്ട്രീയ-സാമൂഹിക-സാംസ്കാരിക രംഗത്തെ നിരവധി പേരാണ് കർഷകർക്ക് പിന്തുണ പ്രഖ്യാപിച്ച് എത്തുന്നത്. കർഷകരുടെ ആവശ്യം അംഗീകരിച്ചില്ലെങ്കിൽ തങ്ങൾക്ക് ലഭിച്ച ബഹുമതികൾ തിരികെ നൽകുമെന്ന് കായിക താരങ്ങൾ ഉൾപ്പടെയുള്ളവർ പ്രഖ്യാപിച്ചിട്ടുണ്ട്.
Also Read: സ്റ്റാൻ സ്വാമി കേസ്; ജയിലധികൃതർ കോടതിവിധി നടപ്പിലാക്കി
