കൊച്ചി: സംസ്ഥാനത്ത് സ്വർണവിലയിൽ വീണ്ടും ഇടിവ്. രണ്ടുദിവസം മാറ്റമില്ലാതെ തുടർന്ന സ്വർണവിലയിൽ വ്യാഴാഴ്ച 360 രൂപയുടെ കുറവുണ്ടായി. ഇതോടെ സ്വർണവില 36,600 രൂപയായി. ഒരു ഗ്രാമിന് 4,575 രൂപയാണ് വില. ഒരാഴ്ചക്കിടെ സ്വർണം പവന് 1,800 രൂപയുടെ കുറവാണ് ഉണ്ടായത്.
യുഎസിൽ ബോണ്ടിൽ നിന്നുള്ള ആദായം വർധിച്ചതും ഡോളർ കരുത്താർജ്ജിച്ചതും രാജ്യാന്തര വിപണിയിൽ സ്വർണവിലയെ ബാധിച്ചു. സ്പോട് ഗോൾഡ് വില 1,840 ഡോളർ നിലവാരത്തിലെത്തി.
കമ്മോഡിറ്റി വിപണിയായ എംസിഎക്സിൽ ഗോൾഡ് ഫ്യൂച്ചേഴ്സ് വില കുത്തനെ ഇടിഞ്ഞു. പത്ത് ഗ്രാം 24 കാരറ്റ് സ്വർണത്തിന് 28,860 രൂപയാണ് നിലവിലെ വില. വെള്ളിയുടെ വിലയും കുറഞ്ഞിട്ടുണ്ട്. കിലോഗ്രാമിന് 7,500 രൂപ കുറഞ്ഞ് 56,200 രൂപയാണ് വെള്ളിയുടെ വില.
Read also: ലോലിപോപ്പില് ടാല്കം പൗഡര്; കേസെടുത്ത് ഭക്ഷ്യ സുരക്ഷാ വകുപ്പ്
