കണ്ണൂർ: കോവിഡ് ബാധിതനായ സിപിഎം കണ്ണൂർ ജില്ലാ സെക്രട്ടറി എംവി ജയരാജനെ പരിശോധിക്കാൻ തിരുവനന്തപുരം മെഡിക്കൽ കോളേജ് ആശുപത്രിയിൽ നിന്നുള്ള വിദഗ്ധ സംഘമെത്തി. ക്രിട്ടിക്കൽ കെയർ വിദഗ്ധരായ ഡോ. അനിൽ സത്യദാസ്, ഡോ. സന്തോഷ് കുമാർ എന്നിവരാണ് എത്തിയത്. എംവി ജയരാജനെ വിദഗ്ധ പരിശോധനക്ക് വിധേയമാക്കും.
എംവി ജയരാജന്റെ ആരോഗ്യനില മാറ്റമില്ലാതെ തുടരുകയാണ്. രക്തത്തിൽ ഓക്സിജന്റെ അളവ് കുറഞ്ഞതിനാൽ സി പാപ്പ് വെന്റിലേറ്ററിന്റെ സഹായം തേടിയിരുന്നു.
കോവിഡിനൊപ്പം കടുത്ത ന്യുമോണിയയും പ്രമേഹവും ഉള്ളതാണ് അദ്ദേഹത്തിന്റെ ആരോഗ്യം വഷളാക്കിയത്. പരിയാരം മെഡിക്കൽ കോളേജിലെ തീവ്രപരിചരണ വിഭാഗത്തിലാണ് അദ്ദേഹം ഇപ്പോൾ ഉള്ളത്. ഒരാഴ്ച മുമ്പാണ് ജയരാജന് കോവിഡ് ബാധിച്ചത്.
National News: കേന്ദ്ര ബജറ്റ് ദിനത്തിൽ പാർലമെന്റ് മാർച്ച്; പുതിയ നീക്കവുമായി കർഷകർ