മൂവാറ്റുപുഴ: കോലഞ്ചേരി തൃക്കളത്തൂരിൽ കാറും ലോറിയും കൂട്ടിയിടിച്ച് ഉണ്ടായ അപകടത്തെ തുടർന്ന് ചികിൽസയിലായിരുന്ന യുവാവ് മരിച്ചു. കോലഞ്ചേരി മെഡിക്കൽ കോളേജ് ആശുപത്രിയിൽ ചികിൽസയിലായിരുന്ന അമർനാഥ് ആർ പിള്ളയാണ് (20) മരിച്ചത്. ഇതോടെ അപകടത്തിൽ മരിച്ചവരുടെ എണ്ണം നാലായി.
കാർ യാത്രക്കാരായിരുന്ന തൊടുപുഴ പുറപ്പുഴ സ്വദേശികളായ ആദിത്യൻ, വിഷ്‌ണു, അരുൺ ബാബു എന്നിവർ അപകടത്തിൽ തത്ക്ഷണം മരിച്ചിരുന്നു. ബെംഗളൂരിൽ നിന്ന് കാറിൽ നാട്ടിലേക്ക് വരികയായിരുന്ന അമർനാഥും മൂന്ന് ബന്ധുക്കളും സഞ്ചരിച്ചിരുന്ന കാർ ഇന്നലെ പുലർച്ചെ തൃക്കളത്തൂരിൽ വെച്ചാണ് ലോറിയുമായി കൂട്ടിയിടിച്ച് അപകടം നടന്നത്.
തുടർന്ന് അമർനാഥിനെ ഗുരുതര പരിക്കുകളോടെ കോലഞ്ചേരി മെഡിക്കൽ കോളേജിലെ തീവ്രപരിചരണ വിഭാഗത്തിൽ പ്രവേശിപ്പിക്കുകയായിരുന്നു. ആദിത്യന്റെയും അമർനാഥിന്റെയും മാതൃസഹോദരിയുടെ മക്കളാണ് വിഷ്‌ണുവും അരുൺ ബാബുവും.
Read Also: കോവിഡ് ഇന്ത്യ: 30,941 രോഗബാധിതർ, 36,275 രോഗമുക്‌തി, 350 മരണം
