പാലക്കാട് : ജില്ലയിൽ പൊള്ളാച്ചി റോഡിൽ ആളിയാർ കാണ്ടൂർ കനാലിനു സമീപം 200 അടി താഴ്ചയിലേക്ക് ലോറി മറിഞ്ഞു. പാറയും മണലും കയറ്റി വാൽപ്പാറ ഭാഗത്തേക്ക് വരികയായിരുന്ന ലോറിയാണ് അപകടത്തിൽ പെട്ടത്. അപകടത്തെ തുടർന്ന് ലോറി ഡ്രൈവറുടെ തലക്ക് ഗുരുതരമായി പരിക്കേറ്റിട്ടുണ്ട്.
അപകടം നടന്നതിന് പിന്നാലെ നാട്ടുകാർ ചേർന്ന് ഡ്രൈവറെ പൊള്ളാച്ചി സർക്കാർ ആശുപത്രിയിൽ പ്രവേശിപ്പിച്ചു. തലക്ക് ഗുരുതരമായി പരിക്കേറ്റ ഡ്രൈവർ നിലവിൽ ചികിൽസയിൽ തുടരുകയാണ്. കൂടാതെ അപകടവിവരം അറിഞ്ഞ് സ്ഥലത്തെത്തിയ ആളിയാർ പോലീസ് അപകട കാരണം അന്വേഷിച്ചു വരികയാണെന്ന് സിഐ മഹേശ്വരി വ്യക്തമാക്കി.
Read also : കോവിഡിന്റെ ഉറവിടം; ഈ മാസം പകുതിയോടെ റിപ്പോര്ട് പുറത്തുവിടുമെന്ന് ഡബ്ള്യുഎച്ച്ഒ