മലപ്പുറം: മദ്യപിച്ചെന്നാരോപിച്ച് യുവാവിന് ഹോം ഗാർഡിന്റെ ക്രൂര മർദ്ദനം. നിലമ്പൂരിലാണ് സംഭവം. ഹോം ഗാർഡ് സെയ്തലവി യുവാവിനെ നടുറോഡിൽ വെച്ചാണ് ക്രൂരമായി മർദ്ദിച്ചത്. സംഭവത്തെ തുടർന്ന് സെയ്തലവിയെ സർവീസിൽ നിന്ന് മാറ്റി നിർത്തിയതായി നിലമ്പൂർ എസ്എച്ച്ഒ അറിയിച്ചു.
മദ്യപിച്ച് ബഹളം ഉണ്ടാക്കിയെന്ന് ആരോപിച്ചാണ് യുവാവിനെ ക്രൂരമായി മർദ്ദിച്ചത്. നടുറോഡിൽ വെച്ച് യുവാവിനെ ക്രൂരമായി മർദ്ദിക്കുന്നതിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. ഹോം ഗാർഡിന്റെ അടികൊണ്ട് നിലത്തു വീണ യുവാവിന്റെ മുഖത്ത് വീണ്ടും വീണ്ടും സെയ്തലവി ആഞ്ഞടിക്കുന്നതായാണ് ദൃശ്യങ്ങൾ വ്യക്തമാക്കുന്നത്. യുവാവ് എഴുന്നേറ്റ് പോകാൻ ശ്രമിക്കുമ്പോൾ സെയ്തലവി യുവാവിന്റെ തലക്ക് പിന്നിലായി ശക്തമായി അടിക്കുന്നതും ദൃശ്യത്തിൽ ഉണ്ട്.
Read Also: അഭിഭാഷകയായി ആൾമാറാട്ടം; മുൻകൂർ ജാമ്യാപേക്ഷയുമായി സെസി സേവ്യർ ഹൈക്കോടതിയിൽ