വയനാട് : ജില്ലയിൽ വീണ്ടും തിരഞ്ഞെടുപ്പ് ബഹിഷ്‌കരിക്കാൻ ആവശ്യപ്പെട്ടുകൊണ്ട് സിപിഐ മാവോയിസ്‌റ്റുകളുടെ പോസ്‌റ്ററുകൾ. തൊണ്ടർനാട് പോലീസ് സ്‌റ്റേഷൻ പരിധിയിലെ മട്ടിലയം ബസ് കാത്തിരിപ്പ് കേന്ദ്രത്തിലും പരിസരത്തുമാണ് പോസ്‌റ്ററുകൾ പ്രത്യക്ഷപ്പെട്ടത്. പോസ്‌റ്ററുകളിൽ തിരഞ്ഞെടുപ്പ് ബഹിഷ്‌കരിക്കുവാനും, കർഷകരെയും ജനങ്ങളെയും വഞ്ചിക്കുന്ന രാഷ്‌ട്രീയ പാർട്ടികളെ ബഹിഷ്‌കരിക്കുവാനും ആവശ്യപ്പെടുന്നുണ്ട്.
ഒപ്പം തന്നെ തൊണ്ടർനാട് പ്രദേശത്തുള്ള 3 വ്യക്‌തികളെ പറ്റിയും പോസ്‌റ്ററുകളിൽ പരാമർശിച്ചിട്ടുണ്ട്. ഇന്നലെ രാവിലെയാണ് ബസ് കാത്തിരിപ്പ് കേന്ദ്രത്തിലെ ചുവരുകളിലും പരിസരത്തും പതിച്ച നിലയിൽ പോസ്‌റ്ററുകൾ കണ്ടെത്തിയത്. കോൺഗ്രസിന്റെയും, സിപിഎമ്മിന്റെയും നിലപാടുകളിലൂടെ ഫാസിസത്തെ മെരുക്കാൻ കഴിയില്ലെന്നും, അതിനാൽ തന്നെ തിരഞ്ഞെടുപ്പുകൾ ബഹിഷ്‌കരിക്കണമെന്നും ചില പോസ്‌റ്ററുകളിൽ വ്യക്‌തമാക്കിയിട്ടുണ്ട്‌. പോസ്‌റ്ററുകൾ പ്രത്യക്ഷപ്പെട്ടതിന് പിന്നാലെ തൊണ്ടർനാട് പോലീസ് സംഭവത്തിൽ തുടർനടപടികൾ സ്വീകരിച്ചിട്ടുണ്ട്.
Read also : അരിയും കിറ്റും മുടക്കാൻ പ്രതിപക്ഷം; ബിജെപിക്കുള്ള വാതിൽ തുറക്കുകയാണെന്ന് മുഖ്യമന്ത്രി
