അലി അക്‌ബർ സംവിധാനം ചെയ്യുന്ന ‘1921 പുഴ മുതൽ പുഴ വരെ’ എന്ന ചിത്രത്തിന്റെ ട്രെയ്‌ലർ പുറത്തിറങ്ങി. ജനങ്ങളിൽ നിന്നും പണം സ്വീകരിച്ച് നിർമിക്കുന്ന ചിത്രമാണ് ഇത്. ട്രെയ്‌ലറിന് സമ്മിശ്ര പ്രതികരണമാണ് പ്രേക്ഷകരുടെ ഭാഗത്തുനിന്നും ലഭിക്കുന്നത്. സീരിയലിന്റെ സ്വഭാവം പ്രകടിപ്പിക്കുന്ന ട്രെയ്‌ലറാണ് ചിത്രത്തിന്റേതെന്ന് അഭിപ്രായം ഉയരുന്നുണ്ട്.
മലബാർ കലാപത്തിന്റെ കഥ പറയുന്ന ചിത്രത്തിൽ തലൈവാസൽ വിജയ് പ്രധാന വേഷത്തിലെത്തുന്നു. വാരിയൻകുന്നത്ത് കുഞ്ഞഹമ്മദ് ഹാജിയെയാണ് തലൈവാസൽ വിജയ് അവതരിപ്പിക്കുന്നത്. ചിത്രത്തിന്റെ ആദ്യ ഷെഡ്യൂളിലെ ഭാഗങ്ങൾ കൂട്ടിച്ചേർത്താണ് ട്രെയ്‌ലർ പുറത്തിറക്കിയിരിക്കുന്നത്. വയനാട് ജില്ലയാണ് ചിത്രത്തിന്റെ പ്രധാന ലൊക്കേഷൻ. ജോയ് മാത്യു, ആർഎൽവി രാമകൃഷ്‌ണൻ തുടങ്ങിയവരും ചിത്രത്തിൽ പ്രധാന വേഷത്തിൽ എത്തുന്നു.
Read also: സസ്‌പെൻസ് നിറച്ച് ‘ലാൽബാഗ്’ ടീസർ; റിലീസ് മേയ് 28ന്
